टेनिसमा कमलको ह्याट्रिक

आदर्श समाज सम्वाददाता
पौष १५, २०७५
tennis

पोखरा, १४ पुस । १६ औं माछापुच्छ्रे बैंक पोखरा ओपन भेट्रान्स टेनिस प्रतियोगितामा ३५ वर्षमाथिको एकल उपाधि कमल भण्डारीले जितेका छन् ।

कास्की जिल्ला टेनिस संघको आयोजनामा पोखरा रंगशालामा शनिबार फाइनलमा राजु श्रेष्ठलाई ६–३, ६–३ को सोझो सेटमा पराजित गरेका भण्डारीले लगातार तेश्रो पटक उपाधिमा आफ्नो नाम दर्ता गराएका हुन्।

यस्तै, ४५ वर्षमाथिको एकलतर्फको उपाधि बिमल गुरुङले जिते। पोखराका धरमबहादुर लामिछानेलाई ३–६, ६–३ र सुपरटाइमा ११–९ ले पराजित गर्दै बिमलले प्रथम स्थान हासिल गर्न सफल भए। ५५ वर्षमाथिको एकल उपाधि प्रदीप शाहले जिते। उनले राजु गुरुङलाई ६–०, ६–१ को सहज सेटमा पराजित गरेका थिए।

४५ वर्षमाथिको उपाधि धरमबहादुर लामिछाने र बिमल गुरुङको जोडीको पोल्टामा गयो। राजु क्षेत्री र सुदर्शन विष्टको जोडीलाई ६–४, ७–५ को सेटमा पराजित गर्दै लामिछाने जोडीले सो उपाधि रक्षा गरेको हो।

६५ वर्षमाथिको एकलतर्फ लक्ष्मी गुरुङले वाकओभर दिएपछि डा इन्द्रजित राई विजयी भए। ५५ वर्षमाथिको डबल्सतर्फ मनोज राणा र प्रदिप शाहको जोडी प्रथम भयो। समीर शेरचन र अनिल तुलाचनको जोडीमाथि ६–४, ६–४ को नतिजा निकाल्दै राणा र शाहको जोडीले उपाधि जिते ।

प्रतियोगितामा ३५ वर्षमाथिको एकलतर्फ विजेताले ५० हजार तथा उप–विजेताले २५ हजार, डबल्सतर्फका विजेताले १५ हजार र उपविजेताले ८ हजार नगद पुरस्कार प्राप्त गरे।

त्यस्तै, ४५ वर्षमाथि एकलतर्फको विजेताले २० हजार र उपविजेताले १५ हजार रुपैयाँ पुरस्कार प्राप्त गरे। ५५ वर्षमाथि एकलतर्फको विजेताले २० हजार र उप–विजेताले १० हजार प्राप्त गरे। डबल्सतर्फ विजेताले १५ हजार र उप–विजेताले ८ हजारसहित ट्रफि पुरस्कार गरे।

विजयीलाई प्रतियोगिता मुख्य प्रायोजक माछापुच्छे« बैंकका अध्यक्ष रोशन केसी, सहप्रायोजक ट्रयाङ्कुलिटी स्पाका निदेर्शक रनिल फैंजु लगायतले पुरस्कार वितरण गरे।

आयोजक संघ कास्कीका अध्यक्ष दोर्जे लामाको अध्यक्षतामा भएको समापन समारोह खेलाडी सूर्य भुजेलले सञ्चालन गरेका थिए।

Related News

सम्बन्धित समाचार

  • अरुणा र प्रदीप वर्ष खेलाडी

    आदर्श समाज सम्वाददाता असार १८, २०७९
    पोखरा, १८ असार । भलिबल खेलाडी अरुणा शाही र टेनिसका प्रदीप खड्का वर्ष उत्कृष्ट खेलाडी घोषित भएका छन् । नेपाल खेलकुद…
  • पोखरा स्पोर्टस् अवार्ड आज

    आदर्श समाज सम्वाददाता असार १८, २०७९
    पोखरा । नेपाल खेलकुद पत्रकार मञ्च गण्डकीको आयोजनामा शनिबार छैटौं पोखरा स्पोर्टस् अवार्ड–२०७८ हुँदैछ । समारोहमा मञ्चले विभिन्न ७ विधामा…
  • एथलेटिक्स रेफ्री तथा निर्णायक सेमिनार

    आदर्श समाज सम्वाददाता असार १७, २०७९
    पोखरा । प्रदेश खेलकुद परिषद गण्डकीको आयोजनामा गण्डकी प्रदेश एथलेटिक्स खेललक्षित निर्णायकलाई रेफ्री तथा निर्णायक सेमिनार सुरु भएको छ ।…
  • पोखरा स्पोर्टस् अवार्ड तयारी पूरा

    आदर्श समाज सम्वाददाता असार १७, २०७९
    पोखरा । नेपाल खेलकुद पत्रकार मञ्च गण्डकीको आयोजनामा शनिबार छैटौं पोखरा स्पोर्टस् अवार्ड–२०७८ मा ७ विधामा अवार्ड प्रदान गरिने भएको…
  • भट्टराईलाई लाइफ टाइम अचिभमेन्ट अवार्ड

    आदर्श समाज सम्वाददाता असार १५, २०७९
    पोखरा । नेपाल खेलकुद पत्रकार मञ्च, गण्डकीले अग्रज खेलाडी गणेशबहादुर भट्टराईलाई लाइफ टाइम अचिभमेन्ट अवार्डबाट सम्मान गर्ने भएको छ ।…

hero news full width