लामिछानेले ल्याए ‘फुटबल’

Avatar आदर्श समाज सम्वाददाता
पौष १५, २०७५

पोखरा, १४ पुस । पोखराको फुटबल इतिहासबारे पत्रकार विनोद लामिछानेले ‘फुटबल’ बजारमा ल्याएका छन् ।

पोखरा म्यासेञ्जरको विशेष प्रकाशनको रुपमा बजारमा आएको सो पुस्तक गण्डकी प्रदेश प्रमुख बाबुराम कुँवरले शनिबार विमोचन गरे ।

पुस्तकमा पोखराको फुटबलको विगत र वर्तमानबारे उल्लेख छ । नयाँ पुस्तालाई खेलप्रति आकर्षण गर्न पुस्तक सफल रहेको छ ।

६४ पृष्ठ लामो पुस्तकमा पोखरामा फुटबलको शुरुवातबारे चर्चा एवं पुराना खेलाडीको खेलप्रतिको लगाव उल्लेख छ । साथै पोखराको खेल मैदानदेखि व्यावसायिक खेलाडी, फुटबलका अभिन्न अंग रेफ्रीबारे मिहिन ढंगले चर्चा गरिएको छ ।

नेपाली फुटबलमा महत्वपूर्ण योगदान दिए पनि ओझेलमा परेका खेलाडीबारे आफूले खोजी गरेको पुस्तक सम्पादक पत्रकार लामिछानेले जनाए ।

कार्यक्रममा प्रदेश प्रमुख कुँवरले खेलमा समावेशी र आरक्षण गर्ने कुरा गलत भएको बताए ।

विमोचन समारोहमा सांसद दीपक कोइराला, राखेप सदस्य राजेश गुरुङ, एन्फा उपाध्यक्ष कृष्ण थापा, पूर्व राष्ट्रिय खेलाडी खेम गुरुङ लगायतले पोखरेली फुटबल इतिहासलाई जिवितै राख्न पुस्तक दस्तावेज बन्ने बताए ।

सो अवसरमा पुराना खेलाडी डम्मरलाल माकाजु, यज्ञबहादुर साही र रुद्रनाथ पौडेललाई सम्मान गरिएको थियो ।

प्रकाशन सल्लाहकार गणेशबहादुर भट्टराईले पुराना पुस्ताका खेलाडीहरुको पहिचानका लागि पुस्तक महत्वपूर्ण बन्ने विश्वास व्यक्त गरे । कार्यक्रम संचालन संचारकर्मी मधु अधिकारीले गरेका थिए ।

हाम्रो सुझाव

सद्भावको पर्व होली

वीरेठाँटीमा फागुपूर्णिमा मेला शुरु

पोखरा होली म्युजिक फेष्टिवलको तयारी पूरा

रँगीन युवाक्लब झिवाखोलाले होली कार्यक्रम गर्ने

प्रमुख समाचार

महानगर होर्डिङ बोर्ड हटाउँदै

थप प्रमुख समाचार

महानगर होर्डिङ बोर्ड हटाउँदै

पाइलट सहित दुई घाइते