पोखरा, १२ पुस । नेपाल प्राध्यापक संघ विन्दुवासिनी संस्कृत विद्यापीठ पोखरा, इकाइ सभापतिमा अम्बिकाप्रसाद भट्टराई निर्विरोध निर्वाचित भएका छन् ।

संघको सम्पन्न अधिवेशनबाट उपसभापतिमा श्यामप्रसाद पौडेल, सचिवमा डा काशीनाथ कँंडेल, सहसचिवमा डा भोलानारायण रेग्मी, कोषाध्यक्षमा रविभक्त बराल एवम् सदस्यद्वयमा शिवहरि देवकोटा र भानुभक्त आचार्य निर्विरोध भए ।

अधिवेशनले नेपाल संस्कृत विश्वविद्यालय प्राध्यापक संघ केन्द्रीय प्रतिनिधिका लागि डा जगन्नाथ रेग्मी र आनन्दमणि रिजाललाई चयन गरेको छ।

निर्वाचित पदाधिकारीलाई बुधबार पद तथा गोपनीयताको शपथ ग्रहण गराइएको निर्वाचन समिति संयोजक राधाकृष्ण गैरेले जानकारी दिए।