पत्रकार अधिकारी सम्मानित

आदर्श समाज सम्वाददाता
पौष १२, २०७५
durga adhikari

पोखरा, ११ पुस। पत्रकार दुर्गा अधिकारी बुधबार सम्मानित भएकी छन्। इन्द्रा क्षेत्री स्मृति मानव मिलन नारी जागरण पुरस्कारबाट उनी सम्मानित भएकी हुन्।

मानव मिलन नारी जागरण नेपालद्वारा सो संस्थाकी संस्थापक कोषाध्यक्ष इन्द्रा क्षेत्रीको स्मृतिमा स्थापित सो पुरस्कारको राशी १० हजार पाँच सय ५५ रुपैयाँ र सम्मानपत्र रहेको छ। वरिष्ठ पत्रकार नारायण कार्कीले सम्मानपत्र, स्वतन्त्र पत्रकार संघ नेपालका राष्ट्रिय अध्यक्ष कृष्णप्रसाद बास्तोलाले दोसल्ला र संस्थाकी अध्यक्ष सविता बरालले फूलमालाद्वारा उनको सम्मान गरेका थिए।

त्यस अवसरमा प्रमुख अतिथि कार्कीले सकारात्मक कार्य गनेर्हरुको सम्मानबाट नै समाज अघि बढ्ने बताए।

साथै, उनले दुर्गा अधिकारीको सञ्चार क्षेत्रमा नेतृत्वदायी भूमिका रहेको चर्चा गरे। यसैगरी समाजसेवी इन्द्रा क्षेत्रीको स्मृतिलाई जीवन्त राख्न मानव मिलन नारी जागरणले पुरस्कार स्थापना गरी उदाहरणीय कार्य गरेको भन्दै त्यसको प्रशंसा गरे।

स्वतन्त्र पत्रकार संघ नेपालका राष्ट्रिय अध्यक्ष कृष्णप्रसाद बास्तोलाले संस्थापक संघका सदस्य दुर्गा अधिकारीको सम्मानले संघ गौरवान्वित भएको बताउँदै पत्रकार स्वतन्त्र रहेरै प्रतिष्ठित हुन सक्ने उदाहरण बनेको बताए।

सम्मानित पत्रकार दुर्गा अधिकारीले समाजसेवीको नाममा स्थापित पुरस्कार पाउँदा आफूलाई खुसी लागेको बताइन्। पुरस्कारले जनताको आवाज अझ बुलन्द बनाउन जिम्मेवारी थपिएको महसुस गरेको बताउँदै आफूलाई सञ्चार क्षेत्रमा लाग्न प्रेरणा दिने बुबा आमालगायत सबैप्रति आभार व्यक्त गरिन्।

संस्थाकी पूर्व अध्यक्ष पार्वती पौडेलले भनिन्– दुर्गा अधिकारीले रेडियो सफलतामार्फत् धेरै सञ्चारकर्मी उत्पादन गरेकी छन्।

नेपाली काँग्रेसका पूर्व क्षेत्रीय सभापति शोभाचन्द्र बरालले दुर्गा अधिकारीबाट सञ्चालित रेडियो सफलतामार्फत् नै मासवारको प्रचार भएको उल्लेख गर्दै महिलाहरुको सहभागिता विना कुनै पनि कार्यक्रम सफल नहुने बताए।

पत्रकार सुष्मा पौडेलले भनिन् – जुझारु पत्रकार दुर्गाको सम्मानले सबै महिला सञ्चारकर्मी सम्मानित भएको महशुस भएको छ।

प्रतिभा छनौट समितिका सदस्य निर्मला कार्की भण्डारीले सम्मानित व्यक्तित्वको परिचय प्रस्तुत गर्दै राम्रो काम गर्दै जाँदा सफलता प्राप्त हुन्छ भन्ने नमूना अधिकारी भएको बताइन्।

कार्यक्रममा साहित्यकार अम्बिका भण्डारी, नारी परोपकार केन्द्रका अध्यक्ष शारदा गिरी, महिला विकासका लागि आमा समूहका अध्यक्ष मेनका बराल, स्व. इन्द्राकी दिदी देवीमाया कार्कीलगायतले शुभकामना व्यक्त गरेका थिए।

संस्थाका अध्यक्ष सविता बरालले स्व. इन्द्रा क्षेत्रीको सामाजिक योगदानबारे चर्चा गरेकी थिइन्। उपाध्यक्ष कमला गिरीको स्वागत मन्तव्य रहेको सो कार्यक्रमको सञ्चालन सचिव मेनका पोखरेलले गरेकी थिइन्।

Related News

सम्बन्धित समाचार

  • दुर्गा मन्दिरमा अक्षरयात्रा

    आदर्श समाज सम्वाददाता चैत्र १९, २०७९
    पोखरा । अक्षरयात्राको १९७ औं कार्यक्रम स्रष्टा समाज पुम्दीभुम्दीको स्थानीय व्यवस्थापनमा पोखराको छोरेपाटन र पुम्दीभुम्दीको सीमानामा पर्ने धार्मिकस्थल दुर्गा मन्दिरमा…
  • आलु महोत्सव लक्षित सरसफाइ

    आदर्श समाज सम्वाददाता चैत्र १९, २०७९
    हेमजा । ११ औं संस्करणको राष्ट्रिय हेमजा आलु महोत्सव नजिकिँदा हेमजामा सरसफाइ गरिएको छ । महोत्सव आयोजक विष्णुपादुका क्लबको आयोजनामा…
  • सामुदायिक शैक्षिक संस्था समुदायको पहिचान

    आदर्श समाज सम्वाददाता चैत्र १९, २०७९
    पोखरा । सामुदायिक शैक्षिक संस्थालाई समुदायको निगरानी र माया चाहिने सरोकारवालाले बताएका छन् । सामुुदायिक संस्थाको महŒव समुदायले नबुझ्दा समस्या…
  • पाइपलाइनमा हुने क्षतिको मूल्यांकन गर्न समिति

    आदर्श समाज सम्वाददाता चैत्र १९, २०७९
    पोखरा । पृथ्वी राजमार्गअन्तर्गत मुग्लिन–पोखरा सडकखण्ड विस्तारका क्रममा कोत्रेदेखि विजयपुरसम्मका विभिन्न खानेपानी आयोजनाका पाइपलाइनमा हुने क्षतिको मूल्यांकनका लागि अनुगमन समिति…
  • लापरवाहीले बढ्यो सडक दुर्घटना

    आदर्श समाज सम्वाददाता चैत्र १९, २०७९
    लेखनाथ । भौतिक पूर्वाधार तथा यातायात मन्त्रालय अन्तर्गत राष्ट्रिय सडक सुरक्षा परिषद्को आयोजनामा सडक सुरक्षा सम्बन्धी सचेतनामूलक कार्यक्रम शनिबार भएको…

hero news full width