सेराजेम निरीक्षण टोलीको भव्य स्वागत

आदर्श समाज सम्वाददाता
पौष १२, २०७५
serajem_Fotor

पोखरा, ११ पुस । सेराजेम पोखरा सेन्टर निरीक्षणका लागि आएका अतिथिलाई भव्य स्वागत गरिएको छ। उरी पोखरा सेन्टर प्रालिद्वारा सञ्चालित सभागृहचोकस्थित सेन्टर र बगर सेन्टर निरीक्षणका लागि विभिन्न ४ सेन्टरका प्रमुख यहाँ आएका हुन्।

मानिस शारीरिकरुपमा मात्र भै मानसिक रुपमासमेत स्वस्थ हुनुपर्छ भन्ने मान्यताका लागि ‘साथी बनाऔं’ अभियानअन्तर्गत नेपालका ३० सेन्टरमध्ये उत्कृष्ट खोजी गर्ने उद्देश्यले निरीक्षण भएको पोखरा सेन्टर प्रमुख दीलिपसुव्वा गुरुङले जनाए।

निरीक्षणका लागि बुटवलका बाबुराम श्रेष्ठ, सुनवलका नारायण पौडेल, कावासोतीका राजन भुषाल र बगरका सनत गुरुङ सम्मिलित चार सदस्यीय टोली आएको हो। उनीहरुको स्वागतका लागि सभागृहचोक शाखाका कर्मचारीहरु सुशान्त रामदाम, वीनिता भण्डारी, सविना गुरुङ, मनिला गुरुङ, दीपा बानियाँ, गंगा गुरुङ, कमला आचार्य, सपना गुरुङ लगायत फूलगुच्छाको साथमा पहिलो पंक्तिमा थिए भने उपचारका लागि नियमित आउने करिब सय बढी मानिस पंक्तिबद्धरुपमा दुईहात जोडेर बसेका थिए।

सभागृहचोक शाखाका म्यानेजर देवराज पहारीले सेराजेमको ‘सी’ समूहअन्तर्गत पश्चिमका विभिन्न सेन्टर निरीक्षण गरेको टोलीलाई आफूहरुले गरेको गतिविधिबारे जानकारी दिएको बताए।

बुटवल सेन्टर प्रमुख बाबुराम श्रेष्ठले वातावरण, संचालक तथा कर्मचारी, सेवाग्राही लगायतलाई आधार मानेर मार्किङ गरिने जानकारी दिए। एकअर्को सेन्टरको निरीक्षण तथा अनुगमनपछि संकलित रिपोर्ट सेराजेमको कोरियन हेल्थ केयर कम्पनीमा पठाइने छ।

सेराजेमको मुख्य विशेषता वैज्ञानिक एवं प्रमाणीय तापीय उपचार विधि प्रयोग गरी सरल तरिकाबाट शारीरिक समस्याको निदान गर्नु हो। ८० राष्ट्रमा फैलिएको सेराजेम मेसिनमार्फत मेरुदण्डसहित मानवशरीरमा तातो व्यायाम गराई शरीरमा रक्तसंचार राम्रो बनाउन, स्नायु प्रणाली लचिलो बनाउन, शारीरिक दुखाइ वा पीडा कम गर्न र भविष्यमा रोग लाग्न नदिनु यसको प्रमुख विशेषता हो।

Related News

सम्बन्धित समाचार

  • पर्वतीय संग्रहालयमा फोटो प्रदर्शन

    आदर्श समाज सम्वाददाता असाेज ११, २०८०
    पोखरा । अन्तर्राष्ट्रिय पर्वतीय संग्रहालयमा अबदेखि फरकफरक भूगोलका एकै प्रकारको हिमाली जनजीवन चिनाउने गरी अस्ट्रियन आमाछोरीले लामो समय लगाएर खिचेको…
  • सरकारको आलोचनामात्र गर्नु गलत : मन्त्री सिंखडा

    आदर्श समाज सम्वाददाता असाेज ११, २०८०
    पोखरा । गण्डकी प्रदेश सामाजिक विकास तथा स्वास्थ्य मन्त्रालयले प्रदेशका स्वास्थ्य क्षेत्रमा क्रियाशील गैरसरकारी संघसंस्थासँग छलफल तथा अन्तरक्रिया गरेको छ…
  • अनुगमनमा ३ पसललाई कारबाही

    आदर्श समाज सम्वाददाता असाेज ११, २०८०
    लमजुङ । जिल्ला सदरमुकाम बेंशीसहरमा मापदण्डविपरीत सञ्चालित ३ पसल कारबाहीमा परेका छन् । जिल्ला अनुगमन समितिले २ किराना र १…
  • भूपू सैनिक सहकारीको सभा

    आदर्श समाज सम्वाददाता असाेज ११, २०८०
    हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।…
  • लेखनाथ कुटानी पिसानी व्यवसायी समितिमा विष्णु

    आदर्श समाज सम्वाददाता असाेज ११, २०८०
    लेखनाथ । लेखनाथ कुटानी पिसानी व्यवसायी समितिको अध्यक्ष विष्णुप्रसाद लमिछाने चयन भएका छन् । संस्थाको बुधबार सम्पन्न १०औं साधारण सभा…

hero news full width