सत्य, फोटुफाइभ, एलजी र मालेपाटन विजयी

Avatar आदर्श समाज सम्वाददाता
पौष १०, २०७५

हेमजा, ९ पुस। दोस्रो विष्णु तिमिल्सिना स्मृति सेभेन ए साइड फुटबल प्रतियोगिताअन्तर्गत सोमबारको खेलमा सत्य युवा, फोटुफाइभ, एलजी ब्रदर्स र मालेपाटन एकेडेमी विजयी भए ।

सत्य युवा क्लब बाँझापाटन र डिएफसी हेमजाबीच भएको पहिलो खेलमा ३–० गोलअन्तरले सत्य युवा क्लब विजयी भयो। जितका लागि अभिनाश तामाङले जारी खेलमै पहिलो हयाट्रिक गरेका थिए।

त्यस्तै ग्रिन भ्याली लमजुङ र फोटुफाइभ एफसी काजीपोखरीबीच सम्पन्न दोस्रो खेलमा १–० गोलअन्तरले पछि पार्दै फोटुफाइभ क्लब अघिल्लो चरणमा प्रवेश गर्यो। जसका लागि अर्जुन रानाले गोल गरेका थिए।

त्यस्तै हेमजा युनाईटेड एकेडेमी तथा एलसी ब्रदर्स, लामाचौरबीचको तेस्रो खेल ३–० गोलअन्तरले एलजी ब्रदर्सले जित हात पारेको छ। जितका लागि जीवन छन्त्याल, सुशान्त गुरुङ र रोशन गुरुङले समान एक÷एक गोल गरेका थिए।

दीव्यदृष्टि युवा क्लब हेमजा र मालेपाटन एकेडेमीबीचको अन्तिम खेल २–१ गोलअन्तरले मालेपाटन एकेडेमीले आफ्नो पोल्टामा पार्यो। मालेपाटन एकेडेमीका नारायण केसीले २ गोल तथा दीव्यदृष्टिका लागि रोशन केसीले सान्त्वना गोल फर्काए।

मंगलवार पहिलो खेल युनेक एफ्सी घाचोक र सेभेनएट गाइजबीच बिहान ८ बजे हुने प्रतिष्पर्धा हुने क्लब सदस्य अमृत परियारले जनाए । सो प्रतियोगितासँगै पहिलो चरणका खेल सम्पन्न हुने र मंगलबारबाटै प्रि–क्वाटरका खेल हुनेछन् ।

विष्णुपादुका फुटबल एकेडेमीको सहयोगार्थ पुस १४ गतेसम्म जारी रहने प्रतियोगितामा प्रथमलाई १ लाख ११ हजार १ सय र उपविजेतालाई ५५ हजार ५ सय रुपैयाँ सहित ट्रफी, मेडल र प्रमाणपत्र पुरस्कार दिइने जनाइएको छ।

हाम्रो सुझाव

महोत्सव पूर्व सन्ध्यामा नाकोडस व्याडमिन्टन

नेपाली राष्ट्रिय कीपर किरण आइलिगमा अनुवन्ध

नेपाली तेक्वान्दो टोलीको विदाई

पुलिस र ब्रिगेड ललित स्मृति फुटबलको फाइनल भिड्दै

छनोटबारे प्रशिक्षक कालिनको प्रतिक्रिया

प्रमुख समाचार

रानीमहलको जग्गा व्यक्तिका नाममा

थप प्रमुख समाचार

राष्ट्रिय माविमा खानेपानी टंकी शिलन्यास

आरोहण व्यवस्थापनमा शून्य पोखरा