समाजसेवी क्या. ईश्वरबहादुरको अन्त्येष्टी

Avatar आदर्श समाज सम्वाददाता
पौष १०, २०७५

पोखरा, ९ पुस। पोखरा–८ बगालेटोलका समाजसेवी क्या. ईश्वरबहादुर गुरुङ एम.एम.को गुरुङ परम्परा अनुसार बौद्ध अघौं सदन पोखरामा सोमवार दाहसंस्कार भयो।

८४ वर्षिय क्या. गुरुङको मेडिसिटी हस्पिटल काठमाडौंमा उपचारका क्रममा शुक्रवार साँझ निधन भएको थियो।

पुरानो गाउँ पर्वत, भूकदेउराली ताङ्लेका स्व. गुरुङ बृटिश आर्मीमा सन् १९४२ मा सेवा प्रवेश गरी १९६८ मा अवकाश प्राप्त गरेका थिए।  उनी मलायामा भएको आकस्मिक लडाइँमा बहादुरी देखाएवापत एमएम (मिल्ट्री मेडल) बाट विभूषित भएका थिए। अवकाशपछि पनि उनले वृटिश आर्मीको भर्ती केन्द्रमा एरिया रेफ्रिटिङ अफिसरको जिम्मेवारी सम्हालेका थिए।

पोखरा–८ वगालेटोलमा आई बसोबास गने पुरानामध्ये एक गुरुङ तमु धिं नेपाल, बौद्ध अर्घौ सदनका आजीवन सदस्य, बगालेटोल टोल सुधार समितिका सदस्यलगायत विभिन्न सामाजिक संस्थामा आवद्ध थिए।

उनी सिद्धार्थ क्लब पोखरा, कर्म डुब्यु छोलिङ गुम्बा माटेपानी, सिद्ध प्राथमिक विद्यालय ताङले र ताङले तमु समाजलगायतका विभिन्न संस्थाबाट सम्मानित भएका थिए। कम बोल्ने, काममा लगनशील, समाजका सहयोगी व्यक्तित्वका रुपमा परिचित क्या. ईश्वरबहादुर गुरुङको निधनप्रति बगालेटोल टोल सुधार समितिले गहिरो दुःख व्यक्त गरेको छ।

स्व. क्या. गुरुङका चार छोरा ललितबहादुर, रामप्रसाद, नगेन्द्र र राजकुमार तथा दुई छोरी चीनकुमारी र दिलकुमारी गुरुङ रहेका छन्।

हाम्रो सुझाव

चिप्लेढुंगा स्थित मानवअधिकार चोक नजिकै बम भेटियो

प्रजातन्त्र सेनानी सुवेदीको नागरिक अभिनन्दन

एनएमबी बैंकको ‘एक घर एक खाता’

साभ नेपालको शिक्षक अभिमुखीकरण

प्रमुख समाचार

राखेप नियम र कानून विपरीत चल्यो –महालेखा