पोखरा, ८ पुस ।  आइर्एमई लाइफ इन्सुरेन्स कम्पनीले कास्कीको अन्नपूर्ण गाउँपालिक वडा नं. ८ का हिमलाल गर्बुजाको परिवारलाई मृत्यूदाबी वापतको रकम एक कार्यक्रमबीच हस्तान्तरण गरेको छ ।

कम्पनीका पोखरा शाखा प्रमुख किरणराज लामिछानेले गर्वुजाका छोरा ओस्कार गर्वुजालाई मृत्यूदाबी वापतको दुर्इ लाख रुपैयाको चेक हस्तान्तरण गरेका हुन् ।

गत बर्ष साधारण बचत तथा ऋण सहकारीमार्फत गर्वुजाको दुर्इ लाख रुपैयाँको जीवन बीमा गरिएको थियो । गर्वुजनाले बीमाको प्रथम शुल्क वापत दश हजार नौ सय चार रुपैया भुक्तान गरेका थिए ।

बीमा गरेको एक बर्षपछि नै गर्वुजाको मृत्यू भएपछि उनको परिवारलाई आइर्एमई लाइफ इन्सुरेन्स कम्पनीले मृत्यूदाबीबापतको रकम हस्तान्तरण गरेको हो । कार्यक्रममा बीमा कम्पनीका पोखरा शाखा प्रमुख किरणराज लामिछानेले अहिले विमाङ्कबापतको रकम भुक्तान गरिएको बताउँदै, लाभांश रकमपछि उपलब्ध गराइने बताए ।

आइर्एमई लाइफ इन्सुरेन्स पोखरा शाखाका सहायक प्रमुख कृष्ण पौडेलले गर्बुजाको निधनमा दुःख व्यक्त गर्दै, परिवारको सदस्य गुमाउनुको पीडामा मृत्यूदाबी रकमले अलिकति भएपनि राहत महसुस गराउने बताए । कार्यक्रममा ससरधारा बचत तथा ऋण सहकारी संस्थाका अध्यक्ष रुद्र गुरुङ, आइर्एमई लाइफ इन्सुरेन्सका वरिष्ठ एजेन्सी म्यानेजर विमल भण्डारी, एजेन्सी म्यानेजर बिकल शेरच लगायतले जीवन बीमाको महत्वबारे बोलेका थिए ।