वालिङ, ५ पुस। प्रथम मेयर रनिङ कप वालिङ नगरस्तरीय अन्तरवडा पुरुष भलिबल प्रतियोगिता विहीवारबाट वालिङमा शुरु भयो ।

वालिङ नगर खेलकुद विकास समितिको आयोजनामा भएको भलिबल प्रतियोगिताको उद्घाटन गर्दै वालिङ नगरपालिकाका नगर प्रमुख दिलीपप्रताप खाँणले राष्ट्रका लागि खेल, स्वास्थ्यका लागि खेल मात्रै नभएर समाजका लागि समेत खेलको महत्व रहेको बताए।

उनले यस प्रतियोगितामार्फत वालिङ नगरभित्र रहेका खेलाडीहरुले आफ्नो प्रतिभा प्रस्तुत गर्न पाउने भएकाले पनि खेलाडी तथा खेल क्षेत्रको विकासमा टेवा पुग्ने विश्वास ब्यक्त गरे।

नगरभित्रका १४ वटा वडाको सहभागिता रहेको उक्त प्रतियोगिता पुस ७ गते समापन हुने छ। नगर खेलुकद विकास समितिका सभापति एलबी ज्वारचनको अध्यक्षतामा सम्पन्न कार्यक्रममा स्वागत समितिका सदस्य ताराबहादुर गुरुङ शम्शेरले र सञ्चालन समिति सदस्य भीमप्रसाद पंगेनीले गरेका थिए।