कुपोषण व्यवस्थापन तालिम शुरु

आदर्श समाज सम्वाददाता
पौष ६, २०७५

पोखरा, ५ पुस। गण्डकी प्रदेश सामाजिक विकास मन्त्रालय जनस्वास्थ्य शाखाको आयोजनामा शीघ्र कुपोषणको एकीकृत व्यवस्थापनसम्बन्धी प्रशिक्षक प्रशिक्षण तालिम बिहीबार शुरु भएको छ।

पुस ९ गतेसम्म चल्ने तालिममा २५ जनाको सहभागिता रहेको जनस्वास्थ्य निरीक्षक मोहदत्त ढकालले जानकारी दिए।

तालिम उद्घाटन गर्दै सामाजिक विकास मन्त्री नरदेवी पुनले मुलुकको विकास र समृद्धिका लागि पोषण अवस्थामा सुधार ल्याउनु पर्ने बताइन्। उनले समृद्ध नेपाल, सुखि नेपालीको राष्ट्रिय नारालाई साकार पार्न सबैले आ/आफ्नो ठाउँबाट सहयोग गर्नु पर्नेमा जोड दिइन्।

मन्त्रालयका सचिव गोपालप्रसाद अर्यालले प्रदेशअन्तर्गत सबै स्वास्थ्य केन्द्रले कुपोषण न्यूनिकरणलाई प्राथमिकतामा राख्नु पर्नेमा जोड दिए।

कार्यक्रममा पश्चिमाञ्चल क्षेत्रीय स्वास्थ्य निर्देशनालयका निमित्त निर्देशक श्रवणकुमार नायक, वरिष्ठ स्वास्थ्य शिक्षा अधिकृत प्रकाशराज शर्मा, सुआहाराका प्रशिक्षक केपी लम्साल लगायतले बोेलेका थिए।

गण्डकी प्रदेशमा ५ वर्षमुनिका २९ प्रतिशत बालबालिकामा पुड्कोपना, ६ प्रतिशत बालबालिकामा ख्याउटेपना र १५ प्रतिशत बालबालिका कम तौलबाट ग्रसित छन्।

प्रदेशका २८ प्रतिशत बालबालिका र प्रजनन् उमेरका महिलामा रक्तअल्पता पाइएको छ। नेपालमा ५ बर्षमुनिका ३६ प्रतिशत बालबालिका पुड्कोपना, १० प्रतिशत ख्याउटेपना र ५३ प्रतिशत रक्त अल्पताबाट ग्रसित छन्।

समग्र तथ्यांक तुलना गर्दा गण्डकी प्रदेशमा कुपोषण कम भएको पाइए तापनि विश्वव्यापि मान्यता आधारमा अझै उच्च रहेकोले कुपोषण न्यूनिकरण प्रदेशको प्राथमिकता हुनु पर्नेमा जोड दिइएको छ।

Related News

सम्बन्धित समाचार

  • ५१ युनिट रगत संकलन

    आदर्श समाज सम्वाददाता असार १९, २०७९
    पोखरा । कास्की बडीबिल्डिङ एन्ड फिटनेस एसोसिएसनको आयोजना तथा पोखरा ३ वडा कार्यालयको सहयोगमा आयोजना गरिएको रक्तदानमा ५१ युनिट रगत…
  • विद्यार्थी उपचारका लागि अक्षयकोष

    आदर्श समाज सम्वाददाता असार १९, २०७९
    पोखरा । छोरा स्वः राजेश कोइरालाको स्मृतिमा पस्र्याङ निवासी कृष्णप्रसाद÷सीता कोइराला परिवारले वाराही माध्यमिक विद्यालयमा अक्षयकोष स्थापना गरेका छन् ।…
  • एनएमबी बैंकद्वारा कालिका क्याम्पसलाई सहयोग

    आदर्श समाज सम्वाददाता असार १९, २०७९
    पोखरा । कालिका बहुमुखी क्याम्पसलाई एनएमबी बैंकले सेनिटरी प्याड भेन्डिङ मेसिन सहयोगस्वरूप प्रदान गरेको छ । बैंकको पोखरामा रहेको गण्डकी…
  • लेखनाथ उद्योग वाणिज्य संघको दौड प्रतियोगिता

    आदर्श समाज सम्वाददाता असार १९, २०७९
    लेखनाथ । लेखनाथ उद्योग वाणिज्य संघले रजत वर्षको अवसरमा शनिबार सदस्यबीच दौड प्रतियोगिता गरेको छ। महिला तथा पुरुष व्यवसायीबीच दौडमा…
  • ल्यान्डफिल साइट स्थानान्तरण विवाद : नगरसभाबाटै निर्णय सच्याउन माग

    आदर्श समाज सम्वाददाता असार १९, २०७९
    पोखरा । पोखरा महानगरपालिका–३३ भरतपोखरीमा ल्यान्डफिल्ड साइट राख्ने तयारी गरिएको भन्दै त्यसको विरुद्धमा राजनीतिक दलहरू एकताबद्ध भएका छन् । पोखरा–३३…

hero news full width