सहाराका विद्यार्थीलाई न्यानो कपडा र शैक्षिक सामग्री

आदर्श समाज सम्वाददाता
पौष ६, २०७५
sahara school help (3)

पोखरा, ५ पुस । पोखराका लक्षित वर्गका ७५ जना विद्यार्थीलाई न्यानो कपडा वितरण गरिएको छ। सहारा आधारभूत विद्यालय पृथ्वीचोकका ७५ जना विद्यार्थीलाई विहीवार स्वीटर, टोपी मोजा, खेलकुद तथा शैक्षिक सामग्री वितरण गरिएको हो । सो अवसरमा छात्रालाई सेनेटरी प्याड वितरण गर्नुका साथै स्वास्थ्य सचेतना जागरण कार्यक्रमसमेत  गरियो।

लक्षित वर्गका विद्यार्थीलाई न्यानो कपडा अभियान-२०७५ को सहयोगमा सामाजिक जागरणका लागि नारी अभियानले उक्त सामग्री वितरण गरेको हो। प्रमुख अतिथि प्रदेश सांसद मीना गुरुङले लक्षित वर्गका विद्यार्थीलाई न्यानो कपडा वितरणमा आफूले पनि सहयोग गर्न पाएकोमा खुसी व्यक्त गरिन्। जिल्ला प्रशासन कार्यालयका प्रशासकीय अधिकृत अनिल शाहीले सरकारले गर्नुपर्ने कार्य अभियान मार्फत गरिएको भन्दै अभियान निरन्तर रुपमा अगाडि बढ्नुपर्नेमा जोड दिए।

अभियन्ता पत्रकार तथा अधिवक्ता सुष्मा पौडेलले अभियानबारे जानकारी दिँदै कोही पनि विद्यार्थी गरीब भएका आधारमा आधारभूत आवश्यकताबाट वञ्चित हुन नहुने बताइन् । उनले सफा खानेपानीको व्यवस्था, शौचालय तथा सेनेटरी प्याड, डष्टविन र साबुन राख्न हरेक विद्यालयलाई अनुरोध गर्दै कपडा संकलन अभियानका सहयोगलाई धन्यवाद दिइन्।कार्यक्रममा विद्यालय प्रअ लोचना अधिकारीले लक्षित वर्गका विद्यार्थी अध्ययन गर्ने विद्यालय भएर पनि सबैको सहयोगमा विद्यालय संचालन भैरहेको बताइन्।

कार्यक्रममा अभियान सदस्य प्रभा जमरकट्टेलले स्वागत तथा सदस्य कान्ता पौडेल अधिकारीले सञ्चालन गरेकी थिइन्। कार्यक्रममा वडा ९ का सदस्य नन्दराम गिरीले वडाको विद्यालयमा सहयोग गरेकोमा आयोजक टिमलाई धन्यवाद दिए । विद्यार्थी पूजा बस्नेतले जाडोमा कठ्याग्रि्रदै स्कूल आउनुपर्ने बाध्यता टरेको भन्दै खुसी व्यक्त गरिन् । गरिब तथा विपन्न वर्गका विद्यार्थी पढ्ने सहारा स्कूलमा हाल २ सय ७२ जना विद्यार्थी पढ्छन्।

Related News

सम्बन्धित समाचार

  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…
  • नेरेसो उपशाखा ८ को सभा

    आदर्श समाज सम्वाददाता चैत्र ५, २०७९
    पोखरा । नेपाल रेडक्रस सोसाइटी पोखरा–८, उपशाखाका १६ औं वार्षिक साधारण सभा भएको छ । सभाको उद्घाटन गर्दै जनप्रिय क्याम्पस…
  • रैथाने अन्नबाली खान जोड

    आदर्श समाज सम्वाददाता चैत्र ५, २०७९
    पोखरा । ताओ एसोसिएसन पोखराले दीर्घरोग र यसको व्यवस्थापनमा रैथाने अन्नबालीको उपयोगबारे अन्तक्र्रिया गरेको छ । कार्यक्रममा डा. सुधाश्री अधिकारी…
  • कालिका क्याम्पस अध्यक्षमा किरण केसी

    आदर्श समाज सम्वाददाता चैत्र ५, २०७९
    पोखरा । कालिका बहुमुखी क्याम्पस, पोखरा–१४ काजीपोखरीको संचालक समिति अध्यक्षमा किरण केसी निर्वाचित भएका छन् । युवा व्यवसायी केसी यसअघि…

hero news full width