गण्डकी बोर्डिङमा स्पोर्टस् मिट शुरु

Avatar आदर्श समाज सम्वाददाता
पौष ५, २०७५

पोखरा, ४ पुस । पोखरा लामाचौरमा रहेको गण्डकी बोर्डिङ स्कूलमा बुधबारदेखि स्पोर्टस् मिट शुरु भएको छ ।

दुइ दिनसम्म चल्ने प्रतियोगिताको बोर्डिङका प्राचार्य रवीप्रसाद बरालले उद्घाटन गरे । उनले विद्यार्थीको स्वास्थ्य र अन्तरनिहित क्षमतालाई प्रस्फुटन गराउने उद्देश्यले वर्षेनी यस्ता खेलकुद प्रतियोगिता हुने गरेको बताए । ‘खेलकुद हामी रमाइलोका लागि मात्रै लिन्छौं ।

यसबाट विद्यार्थीले धेरै कुराहरु सिकिरहेका हुन्छन्,’ उनले भने, ‘खेलकुद स्वास्थ्यका लागि पनि हो र विद्यार्थीको प्रतिभा प्रस्फुटनका लागि पनि हो ।’

कार्यक्रममा सहायक प्राचार्यद्वय कृष्णबहादुर थापा र यज्ञराज शर्माले स्पोर्टस् डे को फ्लेम प्रज्वलन गरी विद्यार्थीलाई हस्तान्तरण गरेका थिए ।

बुधबार सम्पन्न खेलमा ट्रयाक र फिल्ड गरी ७२ इभेन्ट तथा भलिबल प्रतियोगिता भएको थियो । स्वास्थ्य तथा शारीरिक शिक्षा विभागका प्रमुख मोहनप्रसाद गुरुङको संयोजनमा सञ्चालन भएको कार्यक्रमको सञ्चालन शकुन्तला गुरुङले गरेकी थिइन् ।

बिहीवार फिल्ड, ट्रयाक र भलिबल गरी ३० खेल सञ्चालन हुने र खेलकुद कार्यक्रमको समापनपछि स्पोर्टस् मिटका विजयी विद्यार्थीलाई पुरस्कार वितरण गरिने गुरुङको भनाइ छ ।

हाम्रो सुझाव

लायन्स आर्दश चौतारी द्वारा वृक्षारोपण

महोत्सव पूर्व सन्ध्यामा नाकोडस व्याडमिन्टन

गायिका थापा सम्मानित

शान्तिदर्शन टोलले गर्यो सम्मान

प्रमुख समाचार

रानीमहलको जग्गा व्यक्तिका नाममा

थप प्रमुख समाचार

राष्ट्रिय माविमा खानेपानी टंकी शिलन्यास

आरोहण व्यवस्थापनमा शून्य पोखरा