काहूँ महोत्सवमा २५ हजार दर्शक

आदर्श समाज सम्वाददाता
पौष ५, २०७५
kahun_Fotor

पोखरा, ४ पुस । जनकल्याण क्लबको आयोजना तथा फूलबारी क्लबको सहआयोजनामा जारी तेस्रो काहूँ धरहरा महोत्सव हालसम्म २५ हजार दर्शकले अवलोकन गरेका छन् ।

महोत्सवको छैटौं दिन बुधबारसम्म २५ हजार दर्शकले महोत्सव अवलोकन गरेको महोत्सव संयोजक दीपकप्रकाश आचार्यले जानकारी दिए ।

गत मंसिर २८ गतेदेखि काहुँ डाँडामा जारी महोत्सवमा कृषि, रेष्टुरेन्ट, लत्ताकपडा, बालउद्यान, सूचना प्रविधिलगायत स्टल राखिएका छन् । महोत्सव पुस ८ गतेसम्म चल्नेछ ।

बुधबार लोकदोहोरीगायक रामजी खाँणले दर्शक नचाए भने साँझ कोरस ब्याण्ड र हखास्य कलाकार सुरज भीरखोइरेले प्रशस्त मनोरञ्जन दिए ।

त्यसैगरी, वरिष्ठ कार्यक्रम संचालक नेत्रपाणि बास्ताला, गायक जीवन दाहाल, सरला पाण्डे, शंकरविरही गुरुङ, पूर्ण परियार, शिवहरि ढुंगाना, मञ्जु बिक, केशव सुवेदी, केशव देवकोटा, दिलु लामाले आफ्नो प्रस्तुति राखेका थिए ।

यसैगरी, रत्यौली गीत प्रतियोगिताअन्तर्गत काहुँ आदर्श आमा समूह, काहूँ लालीगुराँस आमा समूह, खुला नृत्य, भजन चुड्का, दोहोरीगीत प्रतियोगिता भए ।

बिहीबार चर्चित लोकगायक बद्री पंगेनी आउने छन् भने हास्यव्यङ्ग्यतर्फ राजा राजेन्द्रको प्रस्तुति रहनेछ ।

यस्तै, गायक तारापति सुवेदी, जीवन दाहाल, सरला पाण्डे, शंकरविरही गुरुङ, शिवहरि ढुंगाना, शंकर पन्त, सविना गुरुङ र श्रीराम अधिकारीको प्रस्तुति रहनेछ ।

महोत्सवमा रत्यौलीगीत, भजन चुड्का, दोहोरीगीत, खुला नृत्य, कविता प्रतियोगिता जारी रहने सांस्कृतिक कार्यक्रम संयोजक रामकृष्ण बास्तोला गोर्खालीले जानकारी दिए ।

एनएमबि बैंकको मुख्य प्रायोजन रहेको महोत्सव अवसरमा एनएमबिमा खाता खोल्ने सुविधा समेत रहेको बैंकका गण्डकी प्रदेश उपप्रमुख अमृतराज बास्तोलाले बताए ।

महोत्सवस्थल पुग्न पोखरा रानीपौवास्थित दूरसञ्चार कार्यालय अगाडिबाट प्रत्येक आधा घण्टामा बस जाने व्यवस्था मिलाइएको यातायात व्यवस्था समिति संयोजक सु.इन्द्रबहादुर गुरुङले जानकारी दिए।

Related News

सम्बन्धित समाचार

  • ब्यान्ड कम्पिटिसनमा ‘द लिङ्कन’ ब्यान्ड प्रथम

    आदर्श समाज सम्वाददाता असाेज १३, २०८०
    पोखरा । इन्टरकलेज ब्यान्ड कम्पिटिसनमा पोखरा लिङ्कन कलेजको ‘द लिङ्कन’ ब्यान्ड पहिलो भएको छ । पोखरा सांगीतिक कलाकार संघ आयोजनामा…
  • विद्यालय नाटक महोत्सवमा १५ नाटक मञ्चन

    आदर्श समाज सम्वाददाता असाेज १३, २०८०
    पोखरा । पाँचौ संस्करणको विद्यालय नाटक महोत्सवमा १५ नाटक मञ्चन भए । गत २७ भदौदेखि सुरु महोत्सव शुक्रबार समापन भयो…
  • गोमा पराजुलीको आत्मकथा ‘भीरको बाटो’

    आदर्श समाज सम्वाददाता असाेज १३, २०८०
    पोखरा । गोमा पराजुलीले लेखेको आत्मसंस्मरण ‘भीरको बाटो’ हालै पोखरामा आयोजित कार्यक्रममा विमोचन गरिएको छ । कास्कीकै पहाडी गाउँमा जन्मे…
  • पोखरामा सुनिए कवि मञ्जुल

    आदर्श समाज सम्वाददाता असाेज १३, २०८०
    गण्डकी ।  पोखरेली युवा सांस्कृतिक परिवारको मञ्चमा आज कवि मञ्जुल प्रस्तुत हुनुभयो । परिवारद्वारा आयोजित ‘एकल कविता वाचन’मा उहाँले दर्जन…
  • ‘नेपाल हेर्न जाऊँ’ लोकार्पण

    आदर्श समाज सम्वाददाता असाेज १०, २०८०
    पोखरा । संगीतकार बिपी वाग्लेद्वारा संगीतवद्ध पर्यटन प्रवद्र्धनसम्बन्धी ‘नेपाल हेर्न जाऊँ’ बोलको बालगीत तथा भिडियो लोकार्पण भएको छ । नेपाली…

hero news full width