यूनिप्स खेलकुद महोत्सवमा वेलनन् एकेडेमी च्याम्पियन

आदर्श समाज सम्वाददाता
पौष ४, २०७५
unips first

पोखरा, ३ पुस । संस्थागत तथा निजी विद्यालय संगठन नेपाल (यूनिप्स) द्वारा आयोजित चौथो खेलकुद महोत्सवमा वेलनन् एकेडेमी च्याम्पियन भएको छ । वेलनन्ले लगातार तेस्रो जित हात पार्दै हृयाटि्रक गरेको हो ।

एक सातासम्म चलेको महोत्सवअन्तर्गत वेलनन्ले समग्रमा १४३ अंक बटुल्यो ।

उपविजेता एकता सेकेण्डरीले ११३ अंक प्राप्त गर्दा तेश्रो कालिका इङ्लिस बोर्र्डिङले ९० अंक र सान्त्वना स्माइल स्मल हेभेनले ६८ अंक प्राप्त गरे ।

महोत्सवमा फुटबल छात्रतर्फ वेलनन् एकेडेमी पहिलो, पिनाकल एकेडेमी दोश्रो र कालिका इङ्लिस बोर्र्डिङले तेश्रो भए ।

भलिबल छात्रमा एकता आवासीय, स्माइल स्मल हेभेन, र वेलनन् क्रमशः पहिलो, दोश्रो र तेश्रो भए ।

छात्रा भलिबलमा होली एञ्जल, एकता आवासीय र कालिका क्रमशः पहिलो, दोश्रो र तेश्रो भए ।

त्यस्तै कब्बडी छात्रतर्फ पिनाकल एकेडेमी प्रथम, गेफ सेकेण्डरी द्वितीय र वेलनन् तृतीय तथा छात्रामार्फ जनकल्याण होली एञ्जल र ज्ञानकुञ्ज, क्रमश प्रथम, द्वितीय र तृतीय भए ।

कब्बडी निमाविमा ज्ञानकुञ्ज, कालिका र होलील्याण्डले क्रमशः प्रथम, द्वितीय र तृतीय स्थान हासिल गरे ।

शिक्षा विकास तथा समन्वय इकाइ कास्की प्रमुख नारायणप्रसाद सुवेदी, यूनिप्स संस्थापक अध्यक्ष धु्रव गिरी, यूनिप्स प्रथम उपाध्यक्ष विश्वराज खनाल लगायतले पुरस्कार वितरण गरे ।

समापन कार्यक्रम यूनिप्स नेपालका केन्द्रिय अध्यक्ष शान्ताबहादुर गुरुङको अध्यक्षतामा भएको हो ।

महोत्सवमा १८ विद्यालयका ३ हजार विद्यार्थीले विभिन्न खेलका ४७ इभेन्ट्समा भाग लिएका थिए ।

Related News

सम्बन्धित समाचार

hero news full width