केफले रजतजयन्ती मनाउँदै

आदर्श समाज सम्वाददाता
पौष ४, २०७५
KEF Pressmeet_Fotor

पोखरा, ३ पुस । पोखरा-१, सिम्पानीस्थित केफ माविले विविध कार्यक्रमसहित आफ्नो रजतजयन्ती मनाउने भएको छ ।

विद्यालयले पुस ६ देखि २३ गतेसम्म विविध कार्यक्रम गरी रजतजयन्ती मनाउने मंगलबार आयोजित पत्रकार सम्मेलन गरी जानकारी दिएको हो ।

सो अवसरमा कवितावाचन प्रतियोगिता, सरसफाइ कार्यक्रम, प्रभातफेरी, रक्तदान, नृत्य तथा गायन आइडल, अभिभावक दिवस र विविध सांस्कृतिक कार्यक्रम गरिने प्रिन्सिपल डिल्लीराम अधिकारीले बताए ।

उनका अनुसार पुस ६ मा जिल्लास्तरीय कवितावाचन प्रतियोगिता हुनेछ । पुस १७ मा विद्यालय वरपरको क्षेत्र सरसफाइ गरिनेछ । त्यस्तै, पुस १८ मा प्रभातफेरी निकालिने प्रिन्सिपल अधिकारीले बताए । १९ गते विद्यालय परिसरमा रक्तदान कार्यक्रम हुनेछ भने भोलिपल्ट नृत्य तथा गायन आइडल गरिनेछ । त्यस्तै, पुस २२ मा अभिभावक दिवस अवसरमा नर्सरीदेखि कक्षा ५ सम्मका विद्यार्थीद्वारा विविध कार्यक्रम प्रस्तुत गरिने अधिकारीले बताए । यसैगरी, पुस २३ मा विद्यालय परिसरमा सांस्कृतिक कार्यक्रम प्रस्तुत गरिनुका साथै पुरस्कार वितरण गरिने छ ।

समारोहमा एसएलसी/एसर्इइ र कक्षा १२ उत्तीर्ण गरेका पूर्व विद्यार्थीले शैक्षिक एवं व्यावसायिक क्षेत्रमा हासिल गरेका सफलतासहितको अवस्थाबारे ‘ट्रेस स्टडी रिपोर्ट’ जारी गरिनेछ भने रजतजयन्ती स्मारिका विमोचन गरिनेछ ।रजतजयन्ती अवसरमा विद्यालयले यसअघि कास्की जिल्लास्तरीय बृहत् जुनियर रेडक्रस संरक्षक गोष्ठी र भूतपूर्व विद्यार्थीको प्रथम अधिवेशन गरिसकेको विद्यालय निर्देशक लोकराज भण्डारीले जनाए ।

विद्यालय व्यवस्थापन समिति अध्यक्ष रामचन्द्र पौडेलको अध्यक्षतामा भएको कार्यक्रममा दश जोड दुर्इ संयोजक नवीन प्यासी अधिकारीले स्वागत, निर्देशक लोकराज भण्डारीले धन्यवाद ज्ञापन र सह-प्राचार्य भानुभक्त पोख्रेलले संचालन गरेका थिए ।

Related News

सम्बन्धित समाचार

  • अर्थतन्त्रमा सुधार आउने

    आदर्श समाज सम्वाददाता असाेज १५, २०७९
    लेखनाथ । लेखनाथ उद्योग वाणिज्य संघको आयोजनामा व्यवसायी र बैंकर्सबीच छलफल तथा अन्तक्र्रिया कार्यक्रम भएको छ । छलफल तथा शुभकामना…
  • ‘सिजीसँग यो पर्व, गरौं गर्व’

    आदर्श समाज सम्वाददाता असाेज १४, २०७९
    पोखरा । सिजी ब्रान्डले दसैं, तिहार तथा छठ पर्व लक्षित गर्दै नयाँ उपहार योजना बजारमा ल्याएको छ । ‘सिजीसँग यो…
  • चाडपर्वमा मात्र अनुगमन

    आदर्श समाज सम्वाददाता असाेज १४, २०७९
    पोखरा । दसैंतिहार लगायत ठूला चाडपर्व भित्रिएपछि पोखरा बजारमा अनुगमन तीव्र बन्यो । अरु बेला सुतेर बस्ने अनुगमनकर्ताहरु चाडपर्व भित्रिएपछि…
  • सिर्जना विकास केन्द्रमा पदस्थापना

    आदर्श समाज सम्वाददाता असाेज १३, २०७९
    पोखरा, १३ असोज । सृजना विकास केन्द्र, सिमलचौरका नवनिर्वाचित पदाधिकारीले बिहीबार सपथग्रहण गरेका छन् । केन्द्रको ४५ औं साधारण सभा तथा…
  • दसैंलक्षित भेडाच्याङ्ग्रा पोखरा

    धनबहादुर गुरुङ असाेज ११, २०७९
    पोखरा । जुम्लाका कमानसिंह थामी पोखरा १, जौबारीमा भेडाच्यांग्राको हुलसँगै भेटिन्छन् । गत वर्ष पनि उनी यसरी नै भेटिएका थिए…

hero news full width