गण्डकी ट्याक्सी व्यवसाय समिति चिप्लेढुङगा शाखाको व्यवसायिक भेला

Avatar आदर्श समाज सम्वाददाता
पौष २, २०७५

पोखरा, १ पुस। प्रस्तावित गण्डकी ट्याक्सी व्यवसाय समिति चिप्लेढुङगा शाखाको व्यवसायिक भेला   गरिएको छ।

भेलाको उद्घाटन गर्दै ट्याक्सी व्यवसाय समिति पोखराका अध्यक्ष एवं हाल गण्डकी ट्याक्सी व्यवसायी समिति पव्लिक लिमिटेडका अध्यक्ष गान्धीराज गिरीले व्यवसायिक हक हितका कुरा वुलन्द गर्न नयाँ पव्लिक लिमिटेड दर्ता भएको वताए। उनले सरकारले काठमाण्डौलाई मात्र नेपाल भन्ने गरेको आरोप लगाए।

जिल्लामा प्रमुख जिल्ला अधिकारी फेरिने वित्तिकै यातायात क्षेत्रका नियम फेरिनु दुर्भाग्य भएको वताउँदै उनले कास्कीमा २०६९ सालमा प्रशासनसँग भएको सहमति कायम गर्नुपर्ने मागसमेत गरेका छन्।

उनले सरकारले यातायात व्यवसायीलाइ सौतेनी व्यवहार गरेको भन्दै ७ वर्षमा ट्याक्सीको मिटरमा जम्मा २ रुपैयाँ वढाएर घोर अन्याय गरेको वताए। उनले गण्डकी पव्लिक लिमिटेट कमजोर नरहेको वताउँदै व्यवसायीहरु इमान्दार भएमा जस्ता सुकै चुनौतिको सामना गर्न आफू तयार रहेको वताए। उनले ट्याक्सी व्यवसाय समिति पोखरामा आफ्नो जीवनको महत्वपूर्ण लगानी रहेको वताउँदै पछिल्लो समयमा नीतिगत रुपमा समिति चुकेको कारण नयाँ समितिको आवस्यकता देखेको वताए।

नेपाल पत्रकार महासंघ कास्कीका कार्यसमिति सदस्य कमल पौडेल अथकले धेरै व्यवसायी समिति हुनु मात्र ठूलो कुरा नभएको वताउँदै उपभोक्ता मैत्री यातायात वनाउनतर्फ ध्यान दिन व्यवसायीलाई आग्रह गरे।

कम्पनीका दुर्घटना विमा संयोजक नुलकण्ठ सुवेदीले विगतका दिनमा ३ महिना धाउँदा पनि प्राप्त गर्न नसकिने दुर्घटना वीमा दावी भुक्तानी अहिले १० दिनमा नै दिन पव्लिक लिमिटेड सफल भएको दावी गरे।

शाखा संयोजक राजु वयलकोटीको अध्यक्षतामा भएको कार्यक्रममा सचिव अर्जुन पौडेलले पनि आफ्ना भनाई राखेका थिए।

हाम्रो सुझाव

लायन्स आर्दश चौतारी द्वारा वृक्षारोपण

गायिका थापा सम्मानित

शान्तिदर्शन टोलले गर्यो सम्मान

फुसेर्खोला कोरिडोर सडक उद्घाटन

प्रमुख समाचार

रानीमहलको जग्गा व्यक्तिका नाममा

थप प्रमुख समाचार

राष्ट्रिय माविमा खानेपानी टंकी शिलन्यास

आरोहण व्यवस्थापनमा शून्य पोखरा