सराङ्कोट सहकारीको वाषिर्कोत्सवमा रक्तदान

Avatar आदर्श समाज सम्वाददाता
मंसिर २८, २०७५

पोखरा, २७ मंसिर । सराङ्कोट बहुउद्देश्यीय सहकारी संस्था १३ औं वर्षमा प्रवेशको उपलक्ष्यमा रक्तदान कार्यक्रम गरिएको छ ।

२०६३ सालमा स्थापित सहकारीको वाषिर्कोत्सव अवसरमा विहीवार आयोजित रक्तदान कार्यक्रममा ४६ जनाले रक्तदान गरे।

प्रतिनिधिसभा सदस्य एवं वरिष्ठ समाजसेवी सूर्यबहादुर केसीले संचारकर्मी कृष्ण क्षेत्री, सान्त्वना पौडेललाई ब्लडव्याग हस्तान्तरण गर्दै कार्यक्रम उद्घाटन गरेका हुन् ।

प्रमुख अतिथि केसीले सहकारी संस्थाहरुले वित्तीय कारोबारसँगै यसैगरी सामाजिक उत्तरदायित्वमा ध्यान दिनुपर्ने दिए ।

संस्थाले स्थापनादेखि रेडियो सराङ्कोट संचालनसँगै बचत तथा ऋण कारोबारमार्फत सेयर पुँजी ४ करोड ४५ लाख, बचत ३० करोड र ऋण लगानी २८ करोड रहेको संस्थाका सचिव कृष्ण थापाले बताए।

कार्यक्रममा संस्थापक अध्यक्ष लोकबहादुर थापा, प्रहरी निरीक्षक पुष्पकमल क्षेष्ठ, रक्तसंचार केन्द्रका वरिष्ठ प्राविधिक अर्जुन ज्ञवाली, आकस्मिक रक्तदान यूनिटका व्यवस्थापक हरिशचन्द्र शर्मा, सल्लाहकार इन्द्रकमल मान्नधर, उपाध्यक्ष बसन्तबहादुर बानियाँ, सचिव कृष्ण थापा, व्यवस्थापक सुरेन्द्र थापा, संचालक सदस्य रामचन्द्र थापा, शम्शेबहादुर थापा, मायाकुमारी शर्मा, रीता क्षत्री, सेयर सदस्य गणेशबहादुर अधिकारी, लक्ष्मी पाण्डे लगायतले आ-आफ्नो धारणा राखेका थिए।

कार्यक्रम संस्थाका अध्यक्ष प्रेमबहादुर जिसीको अध्यक्षतामा भएको हो ।

हाम्रो सुझाव

मुक्तिनाथको कार्यकारी अधिकृतमा समिर

रेड पिपर बुटिक हलको शुभारम्भ

कृषि क्षेत्रमा सघाउन इजरायल तयार– राजदूत ओमर

वालिङमा बजार अनुगमन

प्रमुख समाचार

टीभीएस अपाचे पोखरा स्पोर्टस् अवार्ड मनोनयन सार्वजनिक