प्रतिलिपि अधिकार कानूनको माग

Avatar आदर्श समाज सम्वाददाता
मंसिर २७, २०७५

पोखरा, २६ मङसिर।बौद्धिक सम्पत्तिको संरक्षणका लागि प्रदेश सरकारले यथाश्रि्र कानून बनाउनुपर्ने माग गरिएको छ।

प्रतिलिपि अधिकार र रोयल्टी व्यवस्थापनमा प्रदेश सरकारको भूमिका विषयमा पोखरामा बुधवार भएको अन्तरक्रियामा सहभागीले उक्त माग गरेका हुन्।

त्यस अवसरमा प्रमुख अतिथि सामाजिक विकास मन्त्री नरदेवी पुनले सरोकारवाला सम्बन्धित सबैको सहभागिता गराएर प्राप्त सुझावका आधारमा कानून निर्माण गरिने बताइन्।

कार्यक्रममा कार्यपत्र प्रस्तुत गर्दै नेपाल प्रतिलिपि अधिकार रजिष्ट्रार कार्यालयका रजिष्ट्रार प्रकाश आचार्यले नेपालको संविधान २०७२ मा बौद्धिक सम्पत्तिलाई मौलिक हकको रूपमा लिइएको उल्लेख गरे। उनले, प्रतिनिधि अधिकारधनीहरूमा आफ्नो अधिकारको संरक्षण सम्बन्धमा जानकारीको कमी रहनु नै चुनौती रहेको बताए।

कार्यक्रममा गण्डकी प्रदेशका सभासद् राजीव पहारी, कास्कीका प्रुमख जिल्ला अधिकारी चक्रबहादुर बुढा, यातायात व्यवस्था कार्यालय गण्डकीका प्रमुख अच्युत रेग्मी, नेपाल पत्रकार महासंघ कास्कीका अध्यक्ष दीपेन्द्र श्रेष्ठलगायतले मन्तव्य राखेका थिए।

संगीत उत्पादक समाजका अध्यक्ष निर्मल ढकालको अध्यक्षतामा भएको कार्यक्रममा प्रस्तोता समाजका उपाध्यक्ष शिव हमालले स्वागत तथा संगीत रोयल्टी संकलन समाजका महासचिव सगीतकार महेश खड्काले सञ्चालन गरेका थिए।

कार्यक्रम राष्ट्रिय दोहोरी गीत प्रतिष्ठानका पूर्व अध्यक्ष पुरुषोत्तम न्यौपानेको संयोजकत्वमा भएको थियो।

हाम्रो सुझाव

प्रजनन स्वास्थ्य सम्बन्धी अभिमुखिकरण

अपाङ्गता भएका व्यक्तिहरु हामी जस्तै हुन

नाई संघ कास्कीको जिल्ला परिषद् सम्पन्न

खपौंदी सराङकोट सडक स्तरोन्नति

शिवालय बाल क्लब पुनर्गठन

प्रमुख समाचार

दुई परिवारका नौ जनाको विभत्स हत्या

थप प्रमुख समाचार

वालिङमा बजार अनुगमन

प्रजनन स्वास्थ्य सम्बन्धी अभिमुखिकरण