कृषि उपकरण हस्तान्तरण

Avatar आदर्श समाज सम्वाददाता
मंसिर २६, २०७५

हेमजा, २४ मंसिर। बहुउद्देश्यीय सामुदायिक सिकाइ केन्द्र हेमजाका विभिन्न आयआर्जन समूहमा आवद्घ महिला कृषकलाई कृषि उपकरण हस्तान्तरण गरिएको छ।

भदौ १८ गतेदेखि २२ गतेसम्म केन्द्रद्वारा संचालित तरकारी खेती तालिमका सहभागी आयआर्जन समूहका ४३ जना सदस्यलाई युनेस्को अफिस काठमाडौंको आर्थिक सहयोगमा उपकरण हस्तान्तरण गरिएको हो। जसका लागि युनेस्को अफिसले ३ लाख ६५ हजार रुपैयाँ सहयोग गरेको थियो।

युनेस्को अफिसका शिक्षा प्रमुख बलराम तिम्सिना र पोखरा २५ का वडाध्यक्ष शोभाकर तिम्सिनाले संयुक्त रुपमा कृषकलाई प्लास्टिक टनेल (घर), इस्पियर, हजारी, पाइप लगायत सामग्री वितरण गरेका हुन्।

कार्यक्रममा वडाध्यक्ष तिम्सिनाले उपकरणको सदुपयोग गरिनुपर्नेमा जोड दिए ।

कृषक चन्द्रकली तिम्सिनाले आफूहरुले सामग्री सदुपयोग गर्ने प्रतिबद्घता व्यक्त गरिन् ।

सोही दिन शिक्षा प्रमुख तिम्सिनाले सिकाइ केन्द्रद्वारा संचालित महिला सीप केन्द्र र सूचना तथा वाचनालय कक्षको अवलोकन गरि केही निर्देशन पनि दिएका थिए।

केन्द्र अध्यक्ष कृष्णबहादुर कुँवरको अध्यक्षतामा भएको उक्त कार्यक्रम केन्द्र सचिव गंगा त्रिपाठीले संचालन गरेकी थिइन्।

तपाइको विचार व्यक्त गर्नुहोस्

हाम्रो सुझाव

लायन्स आर्दश चौतारी द्वारा वृक्षारोपण

गायिका थापा सम्मानित

पूर्वी भारतको ट्रेड समिटमा चेम्बरको सहभागिता

सारथि सहकारीको साधारणसभा

प्रमुख समाचार

रानीमहलको जग्गा व्यक्तिका नाममा

थप प्रमुख समाचार

राष्ट्रिय माविमा खानेपानी टंकी शिलन्यास

आरोहण व्यवस्थापनमा शून्य पोखरा