हिंसा अन्त्यका लागि सचेतना

आदर्श समाज सम्वाददाता
मंसिर २५, २०७५
Manav Adhikar Anterkriya_Fotor

पोखरा, २४ मङ्सिर।समाजमा हुने विभिन्न प्रकारका हिंसा अन्त्यका लागि राज्यस्तरबाट स्वरोजगार र रोजगारमूलक कार्यक्रमहरु ल्याई आर्थिक रुपले सशक्त बनाइनुपर्ने र नागरिकस्तरबाट सचेतनामूलक कार्यक्रमहरु संचालन गरी नागरिकको चेतनाको स्तरमा बृद्धि गरिनुपर्नेमा एक कार्यक्रमका वक्ताहरुले जोड दिएका छन् ।

७० औं अन्तर्राष्ट्रिय मानव अधिकार दिवस र लैंगिक हिंसा विरुद्धको १६ दिने अभियानको सन्दर्भमा संगम बचत तथा ऋण सहकारी संस्थाको आयोजना र एशिया मानव अधिकार तथा सांस्कृतिक विकास मञ्च (एशियन फोरम) कास्कीको सहआयोजनामा भएको कार्यक्रममा बोल्ने वक्ताहरुले गरिबी, परनिर्भरता र अन्धविश्वासमा चलेका परम्परागत रीतिरिवाजका कारण बढी हिंसा हुने गरेको उल्लेख गरे ।

कार्यक्रममा राष्ट्रिय मानव अधिकार आयोग, गण्डकी प्रदेश कार्यालयका उपनिर्देशक नितु गतौर्लाले हिंसा अन्त्यका लागि समाजलाई समतामूलक ढंगले अगाडि बढाउनुपर्ने र यसका लागि महिलाहरुको आर्थिक सशक्तिकरणलाई जोड दिंदै परनिर्भरतामा कमी ल्याउनुपर्ने बताइन् ।

शान्तिका लागि नगारिक समाज सञ्जाल कास्कीका संयोजक विष्णु प्रसाद बरालले सहकारीको माध्यमबाट सदस्यहरुलाई उन्नति, प्रगति गराइ जीवनलाई सकारात्मक परिवर्तन गर्न सकेमा समाजमा हिंसा आफै कम हुँदै जाने बताए ।

महिला मानव अधिकार रक्षक सञ्जाल कास्कीका संयोजक अधिवक्ता जानकी शर्माले कानुन बनाउनु मात्रै नभएर कानुनको कार्यान्वयन पनि राज्यकै दायित्व भएको बताइन् ।

इन्सेक, गण्डकी प्रदेश संयोजक शिव खकुरेलले यस प्रदेशमा मात्रै जनवरी २०१८ देखि हालसम्म राज्य पक्षबाट ७२ जना र गैर राज्य पक्षबाट ५ सय ४० जना पीडित भएको तथ्यांक इन्सेकले अभिलेख गरेको बताए । गैर राज्य पक्षबाट भएका घटनामा पीडित हुनेमा अधिकांश महिला भएको उनले बताए ।

एशिया मानव अधिकार कास्कीका अध्यक्ष तिलक थापाले भगवानलाई पुज्नु भन्दापनि बुझ्नुपर्ने तर्फ लाग्न अनुरोध गर्दै सबै मानिसले असल कर्म गरी समुन्नत समाजको निर्माणमा जोड दिनुपर्ने बताए ।

सहकारी संस्थाका अध्यक्ष निरज थापाको अध्यक्षता र धनराज पुरीको संचालनमा भएको कार्यक्रममा विष्णु कुमारी थापाले सहकारीका सात सिद्धान्त वाचन गरेकी थिइन् ।

Related News

सम्बन्धित समाचार

  • नौविसे ओख्लेडाँडा टोलमा ठाकुर

    आदर्श समाज सम्वाददाता असाेज ८, २०८०
    लेखनाथ । नौविसे ओख्लेडाँडा टोल विकास संस्था पोखरा–२९ को अध्यक्षमा ठाकुरप्रसाद घिमिरे चयन भए । संस्थाको १३ औं साधारण सभा…
  • प्र्रहरीसँग नेलम्बोको सामाजिक सेवा दिवस

    आदर्श समाज सम्वाददाता असाेज ८, २०८०
    पोखरा । नेलम्बो नेपालले जिल्ला प्रहरी कार्यालय कास्कीमा कार्यरत महिला प्रहरी तथा थुनुवा बन्दी कैदी महिलालाई सेनेटरी प्याड हस्तान्तरण गर्दै…
  • ‘गैरसरकारी संस्थाहरू पारदर्शी हुनुपर्छ’

    आदर्श समाज सम्वाददाता असाेज ८, २०८०
    पोखरा । सिप हस्तान्तरण सशक्तीकरण (नेस्ट),पोखराको २१ औं वार्षिक साधारण सभा शनिबार सम्पन्न भएको छ । सभाको जिल्ला समन्वय समिति…
  • विश्वहिन्दु महासंघ पोखरा–११ मा डिल्लीराम

    आदर्श समाज सम्वाददाता असाेज ८, २०८०
    पोखरा । विश्वहिन्दु महासंघ पोखरा–११ वडा समितिको अध्यक्षमा डिल्लीराम बास्तोला चयन भएका छन् । समितिको उपाध्यक्ष नारायण श्रेष्ठ, महिला उपाध्यक्ष…
  • गण्डकी बोर्डिङ र पोखरा एकेडेमीलाई ह्याण्डबल उपाधि

    आदर्श समाज सम्वाददाता असाेज ८, २०८०
    पोखरा । पोखरा महानगर प्रथम विद्यालयस्तरीय छात्रछात्रा ह्याण्डबलको उपाधि छात्रतर्फ गण्डकी बोर्डिङले जितेको छ । फाइनलमा लिटिल स्टेप माविलाई १६–७…

hero news full width