पोखरा-२१ का सबै विद्यालयमा सेनेटरी प्याड

आदर्श समाज सम्वाददाता
मंसिर २५, २०७५
pad

पोखरा, २४ मंसिर । पोखरा वडा २१ का विद्यालयहरुलाई सेनेटरी प्याडयुक्त भएको घोषणा गरिएको छ।

लैंगिक हिंसाविरुद्ध १६ दिने अभियानअन्तर्गत वडा कार्यालयको सहयोग तथा सामाजिक जागरणका लागि नारी अभियानको पहलमा आइतबार विद्यालयहरुलाई सेनेटरी प्याडयुक्त घोषणा गरिएको हो।

वडाका मावि तहका विद्यालयलाई ५० थान सेनेटरी प्याड, हेण्ड वास, टावेल हस्तान्तरण गर्दै वडा अध्यक्ष खगराज आचार्यले सम्पूर्ण विद्यालयमा निःशुल्क सेनेटरी प्याड व्यवस्थापन गर्ने प्रतिबद्धता गरे। उनले संवेदनशील विषयमा कसैको ध्यान नपुगेको भन्दै यो विषयलाई सानो नसोच्न र सेनेटरी प्याड व्यवस्था गर्न विद्यालयलाई अनुरोध गरे।

अभियानबारे जानकारी दिँदै अभियन्ता पत्रकार एवं अधिवक्ता सुष्मा पौडेलले सम्पूर्ण विद्यालयमा सफा खानेपानी, शौचालय र सेनेटरी प्याड व्यवस्थापन गर्नुपर्ने आवश्यकता औल्याइन्। साथै यस्ता विषयमा सचेतना जागृत गर्नुपर्ने भन्दै विद्यालय तहमा महिनाबारी, प्याडको प्रयोग र चुनौती विषयमा सहजीकरण गरिन् ।

वडा सदस्य अम्बिका थापाको अध्यक्षतामा सम्पन्न कार्यक्रममा वडा सदस्य नन्दलाल अधिकारीले स्वागत गरेका थिए।

कार्यक्रममा फोहरमैला व्यवस्थापन समितिका अध्यक्ष देवी पोख्रेल, प्रअ खिमलाल भण्डारी, नारायणदत्त अधिकारी, प्रावि तहका शिक्षिका लक्ष्मी पोख्रेल लगायतले बोलेका थिए ।

यसअघि पोखरा वडा ५ र १६ का सम्पूर्ण शैक्षिक संस्था सेनेटरी प्याडयुक्त भएको घोषणा गरिएको छ। यस्तै, विभिन्न वडाका क्याम्पस र विद्यालयमा प्याड व्यवस्था गरिएको छ।

छ वर्षअघि थालिएको सो अभियानअन्तर्गत ४ वर्षअघि नेपालमै पहिलो पटक कास्की जिल्लाका एसएलसी परीक्षा सेन्टर प्याडयुक्त घोषणा गरिएको थियो।

Related News

सम्बन्धित समाचार

  • पोखरा फोटोग्राफर संघको तालिम

    आदर्श समाज सम्वाददाता असाेज ९, २०७९
    पोखरा । पोखरा फोटोग्राफर संघ, पोखरा नेपालको आयोजनामा स्टुडियो पोट्रेट, स्ट्रोब एन्ड स्पिड लाइटिङ तालिम भएको छ । संघमा आवद्ध…
  • राष्ट्रिय सम्पदाको शुभकामना

    आदर्श समाज सम्वाददाता असाेज ९, २०७९
    पोखरा । राष्ट्रिय सम्पदा तथा जनाधिकार संरक्षण समिति नेपालले शनिबार समसायिक विषयमा छलफलसहित शुभकामना आदानप्रदान गरेको छ । कार्यक्रममा दसैं,…
  • परिवार नियोजनको तालिम

    आदर्श समाज सम्वाददाता असाेज ९, २०७९
    पोखरा । नेपाल परिवार नियोजन संघ कास्कीको आयोजनामा बृहत् यौनिकता शिक्षा र लैंगिक तथा यौनिक अल्पसंख्यकसम्बन्धी तालिम सुरु भएको छ…
  • कस्केली अधिकृत समाजको शुभकामना

    आदर्श समाज सम्वाददाता असाेज ९, २०७९
    पोखरा । कस्केली अधिकृत समाज, कास्कीले विजयादशमी, दीपावली तथा छठलगायत अवसरमा शुभकामना आदानप्रदान गरेको छ । सो अवसरमा मिर्गौला तथा…
  • भिजन सहकारीमा नयाँ कार्यसमिति

    आदर्श समाज सम्वाददाता असाेज ९, २०७९
    पोखरा । भिजन बचत तथा ऋण सहकारी संस्था, पोखरा–१०, अमरसिंहचोकको संचालक समिति अध्यक्षमा श्रीमान् गुरुङ चयन भएका छन् । संस्थाको…

hero news full width