मोडल हस्पिटलमा खुला रक्तदान

आदर्श समाज सम्वाददाता
मंसिर २५, २०७५
Model Hospital Blood Daonationa

पोखरा, २४ मङ्सिर । नेपाल स्वास्थ्यकर्मी तथा कर्मचारी युनियन, कास्की मोडल हस्पिटल प्रालि. न्युरोड पोखराको आयोजनामा सम्पन्न खुल्ला रक्तदान कार्यक्रममा ३७ युनिट रगत संकलन भएको छ ।युनियनले आफ्नो स्थापनाको अबसर पारेर आईतबार कास्की मोडल हस्पिटल प्रा.लि. को प्राङ्गणमा आयोजना गरेको रक्तदान कार्यक्रममा ३७ युनिट रगत संकलन भएको हो ।

‘रक्तदान जिबन दान, जिबनदान महादान’ भन्ने नाराका साथ आयोजित कार्यक्रमको प्रमुख अतिथी कास्की मोडल हस्पिटल प्रालिका अध्यक्ष लेखबहादुर गुरुङले पहिलो रक्तदाता नेपाल स्वास्थ्यकर्मी तथा कर्मचारी युनियनका केन्द्रीय सदस्य जितेन्द्र पौडेललाई ब्लड ब्याग हस्तान्तरण गरेर उद्घाटन गरेका थिए ।

प्रमुख अतिथी गुरुङले युनियनले स्थापनाको अबसर पारेर सुरुवातमा नै सामाजिक क्षेत्रमा आफूलाई अगाडि बढाएकोमा खुसी ब्यक्त गर्दै युनियन आगमी दिनमा झन् सफल हुँदै जाने धारण ब्यक्त गरेका थिए । गुरुङले युनियन र संस्था एक आपसमा सहकार्य गरेर जानु पर्नेमा पनि जोड दिए ।

कार्यक्रममा बोल्दै कास्की मोडल हस्पिटल प्रालिका प्रबन्ध निर्देशक डा. लुमेश्वर आचार्यले युनियनसंग आफूहरु सहकार्य गरेर अगाडि बढ्न तयार रहेको भन्दै युनियनको सफलताको कामना गरे ।

कार्यक्रममा रक्त संचार केन्द्र पोखराका अर्जुन ज्ञवाली, नेपाल चिकित्सक संघ गण्डकीका अध्यक्ष डाक्टर गिरिधार शर्मा, नेपाल स्वास्थ्यकर्मी तथा कर्मचारी युनियन पद्म नर्सिङ होम प्रालिका अध्यक्ष कृष्ण आचार्य, फेवासिटी हस्पिटल कर्मचारी युनियनका अध्यक्ष शेरबहादुर शाही, हिमाल भट्टराईलगायतले बोलेका थिए ।

युनियनका अध्यक्ष लक्ष्मी भट्टराईको अध्यक्षतामा सम्पन्न कार्यक्रममा युनियनका सचिब आनन्द आचार्यले स्वागत र कार्यक्रम संयोजक सूर्य पोख्रेलले कार्यक्रम संचालन गरेका थिए ।

Related News

सम्बन्धित समाचार

  • कल्याण शेरचनको जन्मजयन्तीमा दोहोरी

    आदर्श समाज सम्वाददाता असार २३, २०७९
    पोखरा । कल्याण शेरचन स्मृति प्रतिष्ठान नेपालको आयोजनामा पोखरामा राष्ट्रिय खुला दोहोरीगीत प्रतियोगिता हुने भएको छ । लोक स्रष्टा, साधक…
  • पोखराको सरकारी जग्गा विवाद : ठेक्का रद्ध गर्ने तयारी

    आदर्श समाज सम्वाददाता असार २३, २०७९
    पोखरा । कार्यकाल आखिरीमा तत्कालीन पोखरा उपत्यका नगर विकास समिति अध्यक्ष तथा महानगरका मेयर मानबहादुर जिसीले एक्लै निर्णय गरेर निजी…
  • बसपार्क हस्तान्तरण

    आदर्श समाज सम्वाददाता असार २३, २०७९
    पोखरा । नवनिर्मित पर्यटक बसपार्क पोखरा उपत्यका नगर विकास समितिलाई हस्तान्तरण गरिएको छ । संस्कृति, पर्यटन तथा नागरिक उड्डयन मन्त्रालयमा…
  • महिला उद्यमीले सिकायो च्याउ खेती

    आदर्श समाज सम्वाददाता असार २२, २०७९
    पोखरा । महिला उद्यमी संघ र हिमाली पवित्र आमा समूहको संयुक्त आयोजनामा सिताके च्याउ तथा कुरिलो व्यावसायिक खेती तालिम भएको…
  • आँखा शिविरमा २१५ को परीक्षण

    आदर्श समाज सम्वाददाता असार २२, २०७९
    पोखरा । नेपाल रेडक्रस सोसाइटी पोखरा–१० उपशाखा र लायन्स क्लब अफ पोखरा भैरवको संयुक्त आयोजनामा रामबजार ज्येष्ठ नागरिक मिलन केन्द्रमा…

hero news full width