पोखरा, २४ मंसिर। लण्डन मेट्रोपोलिटन विश्वविद्यालयको सम्बन्धनप्राप्त पोखरामा संचालित इन्फोम्याटिक्स कलेज पोखराका सूचना प्रविधिअन्तर्गत वीएस्सी अनर्स कम्प्युटिङका विद्यार्थी दीक्षित भएका छन्।

सो समारोहमा ६१ जना विद्यार्थीलाई दीक्षित गरिएको हो।

विश्व्ाविद्यालयका भाइस चान्सलर प्रा. डोमेनिक पाल्मर ब्राउनले दीक्षान्त समारोहमा विद्यार्थीलाई प्रमाणपत्र प्रदान गरेका थिए।

पोखरामा पहिलोपटक आयोजना गरिएको दीक्षान्त समारोहमा बोल्दै पाल्मरले रमणीय शहरमा आयोजना गरिएको समारोहमा दीक्षित विद्यार्थीले आफ्नो जीवनको नयाँ बाटो पहिचान गर्न सफल भएको बताए।

कलेजका अध्यक्ष एवं इनोभेट नेपाल ग्रुपका अध्यक्ष शुलभ बुढाथोकीले रोजगार सहितको विश्वस्तरीय शिक्षामा अब्बल रहेको बताए।

कार्यक्रममा कलेजका कार्यकारी निर्देशक अभिनव दाहाल, विश्व्ाविद्यालयका स्कुल अफ कम्प्युटिङ एन्ड डिजिटल मिडियाका एशोसिएट डिन डा भेनकेन्ट हार्गी र कलेजका प्रबन्ध निर्देशक प्रधुम्न केसीले दीक्षित विद्यार्थीलाई शुभकामना दिए।