सेन्ट्रल गार्डेनद्वारा बटुकलाई भोजन र स्टेशनरी

आदर्श समाज सम्वाददाता
मंसिर २४, २०७५
central garden

पोखरा, २३ मंसिर । लायन्स क्लब अफ पोखरा सेन्ट्रल गार्डेनले संस्कृत माध्यमिक विद्यालय, बगरमा आवासीयरुपमा रहेका ६० जना बटुकलाई एक छाक भोजन र स्टेशनरी वितरण गरेको छ ।

क्लबका डाइरेक्टर सुब्बा घिमिरेका छोरा समीर घिमिरेको १२ औं जन्मोत्सव सन्दर्भमा उक्त कार्यक्रम आयोजना गरिएको हो ।

कार्यक्रमका प्रमुख अतिथि क्लबका संस्थापक सचिव असफल गौतमले पछिल्लो समय जन्मदिन मनाउने नाममा अनावश्यक तडकभडकभन्दा समाजसेवामूलक कार्य गरेर मनाउन आवश्यक रहेको धारणा व्यक्त गरे ।

उनले पछिल्लो समय नेपाली शिक्षा प्रणालीमा संस्कृत र नैतिक शिक्षा अभावले देशमा अराजकता, हिंसाहत्या, बलात्कारजस्ता घटनाले प्रशय पाएकाले ती अराजकता अन्त्यका लागि संस्कृत विद्यालयले योगदान चिरस्मरणीय रहेको बताए ।

क्लबका डाइरेक्टर सुब्बा घिमिरेले क्लबमा आवद्ध भएपछि लायन्सको सेवा भावना आत्मसात गरेर छोराको जन्मदिनमा अनावश्यक खर्च व्यवस्थापन गरी विद्यार्थीसँग साक्षात्कार गर्न पाउँदा र त्यसले दिने आनन्द छुट्टै हुने बताए ।

क्लबका अध्यक्ष कृष्णबहादुर रानाभाटले क्लबले सामाजिक कार्य गर्दैआएको बताउँदै सहयोगी सबैलाई धन्यवाद ज्ञापन गरे ।

कार्यक्रममा पोखरा आवाज दैनिकका सम्पादक अनुपप्रकाश पौडेल, विद्यालयका शिक्षक गोविन्द अधिकारी, विष्णुप्रसाद भण्डारी, आरुचौर पोखरा सर्म्पर्क समाजका अध्यक्ष गोविन्द सापकोटा लगायतले बोलेका थिए।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width