पोखरा वडा १९ को भवन शिलान्यास

Avatar आदर्श समाज सम्वाददाता
मंसिर २३, २०७५

पोखरा, २२ मंसिर । पोखरा महानगरपालिका प्रमुख मानबहादुर जिसीले शुक्रवार पोखरा वडा १९ को भवन शिलान्यास गरेका छन् ।

लामाचौरको चौरमा रहेको महेन्द्र प्राविको जग्गामा अत्यधुनिक वडा कार्यालय निर्माण गर्न लागिएको हो। सो अवसरमा प्रमुख अतिथि जिसीले जनतालाई सुशासनको प्रत्याभूति दिलाउन वडा कार्यालय व्यवस्थित हुनुपर्ने बताए। ‘जनताले तिरेको करबाट नै भवन निर्माण गर्न लागिएको हो,’ जिसीले भने, ‘यो जनताकै भवन हो, भवन निर्माण गर्दा गुणस्तरमा सम्झौता गर्नुहुँदैन।’ भवन निर्माण गर्दा वडाबासीलाई निगरानी र अनुगमन गर्न उनले आग्रह गरे।

१५ महिनामा भवन निर्माण गरि सक्ने समय भएकाले त्योभन्दा अगाडि नै निर्माण गर्न ठेकेदार कम्पनीलाई जिसीले निदेशन समेत दिए। भवन निर्माणसँगै सेवा प्रवाहलाई प्रभावकारी बनाउनेतर्फ वडाको ध्यान जानुपर्ने भनाइ उनको छ।

कार्यक्रममा वडाध्यक्ष शोभामोहन पौडेलले २ करोड ४२ लाखको लागतमा दुर्इतले अत्यधुनिक भवन निर्माण गर्न लागिएको बताए।

उनले वडा कार्यालयको निर्माणसँग विकासको पूर्वाधारलाई प्राथमिकता राखिएको बताए।

वडाध्यक्ष शोभामोहन पौडेलको अध्यक्षतामा भएको कार्यक्रमको सञ्चालन वडासदस्य कोपिला केसीले गरेकी थिइन्।

तपाइको विचार व्यक्त गर्नुहोस्

हाम्रो सुझाव

सेवाग्राहीलाई सजिलो सहायता कक्ष

शिशु निकेतनमा उत्प्रेरणा तालिम

दलित मानसिकता तोड

प्रमुख समाचार

टीभीएस अपाचे पोखरा स्पोर्टस् अवार्ड मनोनयन सार्वजनिक