लैगिंक हिंसाविरुद्ध सचेतना तालिम

Avatar आदर्श समाज सम्वाददाता
मंसिर २१, २०७५

पोखरा, २० मंसिर । पर्यटन क्षेत्रमा महिलालाई सशक्त बनाउँदै व्यावसायिक रुपमा स्थापित गराउन आत्मविश्वास बढाउने उद्देश्यले महिला पर्यटन व्यवसायी मञ्च (वोटेफ) का सदस्यलाई लैंगिक हिंसाविरुद्धको सचेतना तालिम दिइएको छ ।

तालिम उद्घाटनमा बोल्दै नेपाल पर्यटन बोर्ड गण्डकी प्रदेशका प्रमुखमणि लामिछानेले समतामूलक समाजका लागि महिला पुरुष दुवैको समान सहभागिता र साझेदारी आवश्यक रहेकेा बताए।

उनले पर्यटन क्षेत्रमा महिलाको सहभागिता बढ्दै जानु सकारात्मक भएको भन्दै महिला अधिकारप्रति सचेत हुँदै व्यावसायिक पहिचानका साथ संगठित रुपमा अघि बढ्नु पर्ने धारणा राखे।

पोखरा पर्यटन परिषद्का महासचिव दिलप्रसाद गौतमले सामाजिक न्यायका लागि महिला पुरुष दुवैको समान सहभागिता आवश्यक रहेको बताए।

वडा ६ का कार्यपालिका सदस्य पुष्पा पहारीले कानूनको प्रभावकारी कार्यान्वयनको अभावमा हिंसा र अपराधले प्रश्रय पाएको बताइन्।

कार्यक्रममा संस्थाका सल्लाहकार देवका पहारीले महिलामाथि बढ्दै हिंसाको सामाजिक चुनौती विषय बनेको धारणा राखिन्।

तालिममा इन्सेकका कार्यक्रम संयोजक सवनम शर्मा र सञ्चारिका समूह नेपाल, गण्डकी प्रदेश अध्यक्ष जमुना वर्षा शर्माले महिला हिंसा र अधिकार विषयमा सहजीकरण गरेका थिए।

मञ्चका अध्यक्ष जमुना पराजुलीको अध्यक्षतामा सम्पन्न कार्यक्रममा स्वागत उपाध्यक्ष पार्वती पाण्डे र सचिव उमा भण्डारीले सञ्चालन गरेकी थिइन्। कार्यक्रममा संस्थाका १ सय जना सदस्यको सहभागिता थियो।

तपाइको विचार व्यक्त गर्नुहोस्

हाम्रो सुझाव

चिप्लेढुंगा स्थित मानवअधिकार चोक नजिकै बम भेटियो

प्रजातन्त्र सेनानी सुवेदीको नागरिक अभिनन्दन

एनएमबी बैंकको ‘एक घर एक खाता’

प्रमुख समाचार

सुनसरीमा स्वतन्त्रको वीसौं शाखा, अध्यक्षमा कार्की