गौरीशंकरमा समुदाय प्रहरी कार्यक्रम

आदर्श समाज सम्वाददाता
मंसिर २०, २०७५
hemja samiduke police photo

हेमजा, १९ मंसिर। हेमजास्थित गौरीशंकर माध्यमिक विद्यालयमा प्रधानाध्यापक अमरबहादुर कुँवरको संयोजकत्वमा विद्यालयस्तरीय समुदाय प्रहरी साझेदारी समिति गठन गरिएको छ।

समितिका सदस्यमा शिक्षक विशालजंग कुँवर अभिभावकद्वय मनबहादुर विक, खरिका अधिकारी, सदस्यसचिवमा सामुदायिक सेवा केन्द्र हेमजाका प्रहरी हवल्दार जयबहादुर कुँवर चयन भए ।

सदस्यमा विद्यार्थी सुजन दाहाल, सागर भुजेल, प्रमिला गुरुङ र जुना गिरी छनोट भएका छन्। कार्यक्रम सामुदायिक सेवा केन्द्र हेमजाको आयोजनामा गरिएको हो।पोखरा २५ का वडाध्यक्ष शोभाकर तिम्सिनाले विद्यार्थीलाई मोवाइलको दुरुपयोग नगर्न आग्रह गर्दै समाजलाई विकृति विसंगतिमुक्त बनाउन समुदाय प्रहरी साझेदारी कार्यक्रम सफल हुने विश्वास व्यक्त गरे। उनले कक्षा १२ पास नगरुञ्जेल मोवाइल प्रयोग नगरी पठनपाठनलाई मात्रै ध्यान दिन विद्यार्थीलाई सुझाव पनि दिए।

प्रशिक्षण दिँदै प्रहरी नायव निरीक्षक टंक पौडेलले समुदाय प्रहरी साझेदारी कार्यक्रम हालसालै कार्यान्वयनमा आएको जनाउँदै विद्यार्थीको समाज परिवर्तनमा अहम् भूमिका हुने भएकाले उनीहरुलाई सही शिक्षा दिनुपर्नेमा जोड दिए।

सामुदायिक प्रहरीअन्तर्गत जिल्ला समन्वय समितिका वरिष्ठ उपाध्यक्ष बोधराज कार्कीले विकृति विसंगति नियन्त्रण गर्ने अभ्रि्रायले कार्यक्रम संचालन गरिएको प्रष्ट पारे। उनले सबैको सोच समृद्घ नेपाल निर्माण गर्नतर्फ रहनुपर्ने धारणा पनि राखे।विद्यालय प्रधानाध्यापक अम्वरबहादुर कुँवरले कार्यक्रमबाट फाइदा लिन विद्यार्थीलाई सुझाव दिएका थिए।

‘हर गाउँ नगरी टोलटोलमा नेपाल प्रहरी’ नाराका साथ कार्यक्रम गरिएको हो। सामुदायिक सेवा केन्द्र हेमजाका अध्यक्ष विष्णु बास्तोलाको अध्यक्षतामा भएको उक्त कार्यक्रममा प्रहरी नायव निरीक्षक टंक पौडेलले स्वागत तथा सामुदायिक सेवा केन्द्र हेमजाका सदस्य देवीप्रसाद अधिकारीले संचालन गरेका थिए।

Related News

सम्बन्धित समाचार

  • दीपक मनाङेलाई भाैतिक मन्त्रालय

    आदर्श समाज सम्वाददाता चैत्र ५, २०८०
    पोखरा । स्वतन्त्र सांसद राजीव गुरुङ उर्फ दीपक मनाङेलाई भौतिक पूर्वाधार विकास मन्त्रालयको जिम्मेवारी दिइएको छ । मुख्यमन्त्री सुरेन्द्रराज पाण्डेले…
  • चौथो पटक मन्त्री बन्दै दीपक मनाङे, आजै शपथ खुवाउने तयारी

    आदर्श समाज सम्वाददाता चैत्र ५, २०८०
    पोखरा । पोखरा । गण्डकीको संसदीय राजनीतिक गणितमा जहिल्यै निर्णायक अंक बन्दै आएका सांसद राजीव गुरुङ अर्थात् दीपक मनाङे चौथोपटक…
  • जनजागृतिमा शिक्षक बिदाइ

    आदर्श समाज सम्वाददाता चैत्र ४, २०८०
    पोखरा । पोखरा–१८, सराङकोटस्थित जनजागृति माविमा शिक्षक बिदाइ गरिएको छ । स्वेच्छिक अवकाश लिएका पूर्व प्रधानाध्यापक विष्णुप्रसाद तिमिल्सिना तथा अनिवार्य…
  • बाल मनोविज्ञान र शैक्षिक सुधारबारे गोष्ठी

    आदर्श समाज सम्वाददाता चैत्र ४, २०८०
    पोखरा । बाल मनोविज्ञान तथा शैक्षणिक सुधार योजनासम्बन्धी गोष्ठी शनिबार पोखरामा सम्पन्न भएको छ । माया फाउन्डेसनअन्तर्गत कार्यक्रम सञ्चालन भएका…
  • ओमबहादुर कार्कीको सम्झना

    आदर्श समाज सम्वाददाता चैत्र ४, २०८०
    पोखरा । पृथ्वीनारायण क्याम्पसका पूर्व सहायक क्याम्पस प्रमुख एवं रसायनशास्त्र विभागका पूर्व विभागीय प्रमुख सहप्राध्यापक ओमबहादुर कार्कीको सम्झना गरिएको छ…

hero news full width