अन्तरपालिका भलिबलमा रागिनास विजयी

Avatar आदर्श समाज सम्वाददाता
मंसिर १८, २०७५

लमजुङ, १७ मङ्सिर । लमजुङमा आयोजना गरिएको अन्तरपालिका भलिबल प्रतियोगितामा रागिनास नगरपालिकाको टिम विजयी भएको छ । बेसीशहर नगरपालिकाको आयोजनामा भएको सो प्रतियोगिता फूलबारी मञ्चको खेल मैदानमा खेलाइएको थियो ।

मध्यनेपाल नगरपालिका र रागिनास नगरपालिकाको टिमबीच भएको फाइनल खेलमा रागिनास नगरपालिका विजयी भएको जिल्ला खेलकुद विकास समितिको कार्यालय प्रमुख पूर्णप्रसाद अधिकारीले बताए । उनका अनुसार बेष्टअफ फाइभका आधारमा खेलाईएको सो प्रतियोगितामा मध्यनेपाल नगरपालिकाको टिमलाई सिधा ३ सेटमा जित्दै रागिनास नगरपालिका पहिलो भएको हो ।

प्रतियोगिताको विजेता रागिनासले ५० हजार नगद, मेडल, ट्रफी र प्रमाणपत्र र उपविजेताले नगद १० हजार ट्रफी र प्रमाणपत्र हात पारे ।

विजयी खेलाडीलाई बेसीशहर नगरपालिकाका मेयर गुमानसिंह अर्यालले पुरस्कार र प्रमाणपत्र वितरण गरे । लिक कम नक आउटका आधारमा खेलाइएको सो प्रतियोगितमा जिल्लामा रहेको ८ पालिकाबाट एक/ एक टिमले सहभागिता जनाएको  जिल्ला भलिवल संघका अध्यक्ष बासु पौडेलले बताए ।

सो प्रतियोगितामा सवोर्कृष्ठ खेलाडीमा दोर्र्दी गाउँपालिकाका सुदीप परियार, बेष्ट सटरमा रागिनास नगरपालिकाका सरोज कुमाल र बेष्ट लिफ्ट वयरमा मध्यनेपाल नगरपालिकाको टिमका सुशील कुमाल पुरस्कृत भए । विधागत विजेताहरूले जनही २ हजार नगद र प्रमाणपत्र पाए । पुरस्कार वितरण कार्यक्रम जिल्ला भलिवल संघका अध्यक्ष बासु पौडेलको अध्यक्षतामा भएको थियो ।

तपाइको विचार व्यक्त गर्नुहोस्

हाम्रो सुझाव

पुरुषतर्फको ह्याण्डबल प्रतियोगिता शुरु

लन टेनिसमा विभागीयको वर्चश्व

गण्डकीबाट खेलाडीको बिदाइ

प्रमुख समाचार

सुनसरीमा स्वतन्त्रको वीसौं शाखा, अध्यक्षमा कार्की