सिर्जना माविको रजत महोत्सव समापन

आदर्श समाज सम्वाददाता
मंसिर १६, २०७५
Srijana photo_Fotor

पोखरा, १४ मंसिर । सृजना आवासीय माध्यमिक विद्यालय पोखरा-८, सिर्जनाचोकको रजत जयन्ती समारोह शनिबार सम्पन्न भएको छ।

रजत जयन्ती अवसरमा युवा तथा खेलकुद मन्त्री जगतबहादुर विश्वकर्माले विद्यालयको स्थापनामा योगदान पुर्‍याएका शारदाप्रसाद सुवेदी, विष्णुप्रसाद बराल तथा लोकदोहोरी गायक पुरुषोत्तम न्यौपानेलाई दोसल्ला ओढाएर सम्मान गरे। मन्त्री विकले विद्यालयको स्मारिका ‘सृजना आरोहण’ समेत लोकार्पण गरे।

कार्यक्रममा उनले देशलाई चाहिने दक्ष जनजनशक्ति उत्पादन गरी शिक्षाको विकासमा विद्यालयको योगदान रहेको बताए। उनले धेरै मेहनत गरेर अभिभावक तथा देशको सपना साकार पार्न विद्यार्थीलाई सुझाव दिए।

विद्यालय व्यवस्थापन समिति अध्यक्ष परशुराम बरालको अध्यक्षतामा भएको कार्यक्रममा सामाजिक विकास मन्त्रालयका उपसचिव नवराज पौडेल, राष्ट्रिय परीक्षा बोर्डका गण्डकी प्रदेश प्रमुख विष्णुनारायण श्रेष्ठ, प्याब्सनका गण्डकी प्रदेशका अध्यक्ष माधवशरण उपाध्याय, विद्यालयका संस्थापक प्राचार्य डोलराज पाण्डे, शिक्षक यादवराज उपाध्याय, विद्यार्थी जानकी थापा, फिरोज खान, तमन्ना सुवेदी, विन्दु चालिसे लगायतले मन्तव्य राखेका थिए।

कार्यक्रममा १० वर्षभन्दा बढी सेवा गर्ने शिक्षक तथा कर्मचारीलाई दोसल्ला ओढाएर सम्मानपत्र प्रदान गरिएको थियो।

सम्मानित हुनेमा खगेन्द्रराज बराल, प्रितम शंकर, सुशीला भुजेल, बालकृष्ण पाण्डे, रीता आचार्य, जीवन रेग्मी, बाबुराम केसी, यादवराज उपाध्याय, रवि कार्की, शैलेन्द्रकुमार मलिक, गोपाल थापा, राधा तिमिल्सिना, सरस्वती भुजेल, वीना थापा, मुना गुरुङ, नगेन्द्र थापा, गोमा श्रेष्ठ, शम्भु परियार, अहमद अलि खान, रेखा सुवेदी, इन्दु केसी, सन्तोष पौडेल, इन्द्रकुमार श्रेष्ठ, धमेन्द्र सिंह र सन्तोष विष्ट छन् । रजत महोत्सव अवसरमा विद्यालयले सञ्चालन गरेको जिल्ला तथा प्रदेशस्तरीय निबन्ध लगायत प्रतियोगितामा विजयी विद्यार्थीलाई शिल्ड, पुरस्कार र प्रमाणपत्र वितरण गरिएको थियो।

कार्यक्रममा विद्यार्थीले विविध सांस्कृतिक कार्यक्रम प्रस्तुत गरेका थिए। विद्यालयमा सञ्चालित अबाकसको डेमो प्रस्तुत गरिएको थियो।

२०७४ मंसिर १६ देखि शुरु रजत महोत्सव शनिबारमात्र समापन भएको हो । यसबीचमा विद्यालयले विविध कार्यक्रम सम्पन्न गरेको छ ।

Related News

सम्बन्धित समाचार

  • कर्मचारी युनियन हिमालय आँखा अस्पतालमा प्रेमकुमार

    आदर्श समाज सम्वाददाता मंसिर १०, २०७९
    पोखरा । नेपाल स्वास्थ्यकर्मी तथा कर्मचारी युनियन हिमालय आँखा अस्पताल पोखरा अध्यक्षमा प्रेमकुमार नकर्मी निर्वाचित भएका छन् । युनियनको शनिबार साताै…
  • पोखरामा रैथाने भोजन सप्ताह

    आदर्श समाज सम्वाददाता मंसिर ९, २०७९
    पोखरा । पोखरामा ‘रैथाने भोजन सप्ताह अनि मःम जात्रा’ हुने भएको छ । नेपासा भोजनले मंसिर १० देखि रैथाने खानाको…
  • क्होइबों बनाउन १० लाख सहयोग

    आदर्श समाज सम्वाददाता मंसिर ७, २०७९
    पोखरा । घान्द्रुकमा निर्माण हुन लागेको क्होइबों धिंका लागि घान्द्रुक समाज हङकङले आर्थिक सहयोग गरेको छ । समाजले मंगलबार घान्द्रुक…
  • पोखरा विमानस्थल : ग्राउण्ड ह्याण्डलिङ माग्यो निगमले

    आदर्श समाज सम्वाददाता मंसिर ७, २०७९
    पोखरा । राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) ले पोखरा क्षेत्रीय अन्तर्राष्ट्रिय विमानस्थलको भूमिस्थ सेवा ‘ग्राउन्ड ह्यान्डलिङ’ निगमलाई प्रदान…
  • जन्मदिनमा वृद्धाश्रममा खाद्यान्न वितरण

    आदर्श समाज सम्वाददाता मंसिर ६, २०७९
    पोखरा । हङकङलाई कर्मथलो बनाएका देवचन्द्र गुरुङ र सावित्री गुरुङले आफ्नो छोरा सम्राट गुरुङको १० औं जन्मदिनका अवसरमा पोखरा वृद्धाश्रमलाई…

hero news full width

Recent Posts

भर्खरै

trending post

ट्रेन्डिङ्ग