प्रदेशस्तरीय निबन्ध प्रतियोगितामा अधिकारी प्रथम

आदर्श समाज सम्वाददाता
मंसिर १३, २०७५

पोखरा, १२ मंसिर । सिर्जना आवासीय माध्यमिक विद्यालयले आयोजना गरेको गण्डकी प्रदेशस्तरीय मावि तहको नेपाली निबन्ध लेखन प्रतियोगितामा लमजुङका शिशिर अधिकारी प्रथम भएका छन् ।

विद्यालयको रजत जयन्तीको वर्षको अवसरमा कक्षा ९ र १० अध्ययनरत विद्यार्थीबीच भएको प्रतियोगितामा जनकल्याण माध्यमिक विद्यालय, वेशीसहर-१, लमजुङका अधिकारी प्रथम भएको विद्यालयले जनाएको छ।

प्रतियोगितामा जनप्रिय माध्यमिक विद्यालय सिमलचौर, पोखराका अभिमत लामिछाने द्वितीय, नवज्योति माध्यमिक विद्यालय गोरखाका सुस्मिता रोका तृतीय र दि ओल्ड क्यापिटल बोर्र्डिङ स्कूल, रानीवन, गोरखाकी प्रीति खड्काले सान्त्वना स्थान हासिल गरेको सिर्जना आवासीय माविका प्राचार्य डोलराज पाण्डेले जानकारी दिए।

गण्डकी प्रदेशका हरेक जिल्लामा भएको निबन्ध प्रतियोगितामा प्रथम, द्वितीय, तृतीय र सान्त्वना हुने विद्यार्थीको कापी पोखरामा ल्याएर विषयगत विज्ञहरुले पुनः परीक्षण गराई प्रदेशस्तरको प्रतियोगिता गराइएको हो। विद्यालयको मंसिर १५ मा हुने रजत जयन्तीको समापन समारोहमा विजयीलाई पुरस्कार वितरण गरिनेछ ।

उनीहरुले क्रमशः ५ हजार, ४ हजार, ३ हजार र २ हजार नगद पुरस्कार सहित ट्रफी र प्रमाणपत्र पाउनेछन् ।प्रदेशका सबै जिल्लाका सदरमुकामहरूमा एउटै समय सूचना प्रविधि र नेपाली समाज शीर्षकमा भएको प्रतियोगितामा १ सय ४ वटा विद्यालयका विद्यार्थीले प्रतिस्पर्धा गरेका थिए।

यसअघि जिल्लास्तरमा भएको सो प्रतियोगिता निजी तथा आवासीय विद्यालय अर्गनाइजेशन (प्याब्सन)को समन्वयमा भएको विद्यालयले जनाएको छ।

Related News

सम्बन्धित समाचार

  • लायन्स डेस्टिनेसनमा सन्तोष

    आदर्श समाज सम्वाददाता चैत्र १०, २०७९
    पोखरा । लायन्स क्लब अफ पोखरा डेस्टिनेसनको वर्ष २०२३/०२४ मा सन्तोष शर्मा अध्यक्ष चयन भएका छन् । लायन्स क्लब डिस्ट्रिक्ट…
  • वाद्यवादन सामग्री विरतण

    आदर्श समाज सम्वाददाता चैत्र १०, २०७९
    पोखरा । पोखरा महानगरपालिका वडा १२ ले वडाका आमा समूहलाई वाद्यवादन सामग्री वितरण गरेको छ । बुधबार ९ आमा समूहलाई…
  • ६८ युनिट रगत संकलन

    आदर्श समाज सम्वाददाता चैत्र १०, २०७९
    लेखनाथ । गण्डकी मिजार समाज पोखरा–२६ सक्नेरीले बिहीबार आयोजना गरेको कार्यक्रममा ६८ युनिट रगत संकलन भएको छ । कार्यक्रमको शुभारम्भ…
  • अकुपेन्सी बढ्नेमा व्यवसायी आशावादी

    आदर्श समाज सम्वाददाता चैत्र १०, २०७९
    पोखरा । १८ औं फेवा नव वर्ष महोत्सव सफलतापूर्वक सम्पन्न गर्न मूल आयोजक समितिले काम थालेको छ । यसका लागि…
  • प्रभावकारी बन्दै ओएसटी कार्यक्रम

    आदर्श समाज सम्वाददाता चैत्र १०, २०७९
    पोखरा । लागुऔषधको मौखिक प्रतिस्थापन उपचार (ओएसटी) पद्धतिको प्रभावकारी कार्यान्वयनका लागि सामूहिक प्रयासको आवश्यकता औंल्याइएको छ । कम्युनिटी सपोर्ट ग्रुप…

hero news full width