धितालमा निःशुल्क स्वास्थ्य शिविर

Avatar आदर्श समाज सम्वाददाता
मंसिर १२, २०७५

पोखरा, ११ मंसिर।नेलम्बो नेपाल र माछापुच्छे्र गाउँपालिका-६ धितालको आयोजनामा दुर्इ दिवसीय निःशुल्क स्वास्थ्य शिविर सम्पन्न भएको छ।

शिविरमा दुर्इ सय २५ जनाको स्वास्थ्य परीक्षण गरिएको थियो। शिविरको उद्घाटन गर्दै गण्डकी प्रदेशका सभासद रामजीप्रसाद बरालले नेलम्बो नेपालले आफ्नो क्षेत्रलाई सम्झेर आएकोमा आभार व्यक्त गरे।

शिविरमा गण्डकी मेडिकल कलेज तथा भेडावारी सामुदायिक स्वास्थ्यचौकीका विज्ञले सामान्य चिकित्सा, हाड तथा जोर्र्नी, दाँत र अल्ट्रासाउण्डका सेवा प्रदान गरेका थिए भने ल्याब टेक्निसियनमा फिस्टेल हस्पिटलले प्राविधिक सहयोग गरेको थियो।

दुर्इ दिनसम्म सञ्चालित शिविरमा दोस्रो दिन विज्ञद्वारा सचेतना कार्यक्रम गरिएको थियो। जसमा पृथ्वीनारायण क्याम्पसका पूर्व क्याम्पस प्रमुख गेहेन्द्रेश्वर कोइरालाले गुणस्तरीय शिक्षा प्रदान गर्न सके मानव जीवन समृद्ध हुने बताए।

यस्तै स्वास्थ्यकर्मी निर्मला देवकोटा र शमिका बस्नेतले स्वच्छ खानेपानी, पौष्टिक आहार, सरसफाइ र फोहर व्यवस्थापन विषयमा सचेतना गराएकाथिए।

कार्यक्रममा नेलम्बो नेपालका अध्यक्ष एकदेव देवकोेटा, कार्यक्रम संयोजक किसन कोइराला र धिताल-६ का वडाध्यक्ष हरिश्चन्द्र ढुंगानाले बोलेका थिए।

Comments on धितालमा निःशुल्क स्वास्थ्य शिविर

हाम्रो सुझाव

प्रमुख समाचार

उपलब्ध साधनस्रोतको अधिकतम उपयोग गरी सेवा दिन चिकित्सकलाई निर्देशन