शवदाह संस्कार भवन निर्माण

Avatar आदर्श समाज सम्वाददाता
मंसिर १२, २०७५

लेखनाथ, ११ मंसिर। पोखरा ३२, सतिघाटमा निर्मित शवदाह संस्कार भवनको वडाध्यक्ष अक्कलबहादुर कार्कीले सोमवार उद्घाटन गरेका छन् ।

तल्लो गगनगौंडा परोपकार आमा समूह, लामेआहाल एकता समाज, साविक लेखनाथ नगरपालिका जगेडा कोष, सांसद विकास कोष र विभिन्न संघसंस्थाको सहयोग गरी करिब २८ लाख रुपैयाँ लागतमा भवन निर्माण गरिएको हो।

उद्घाटन कार्यक्रममा वडाध्यक्ष कार्कीले मनुष्यको अन्तिम गन्तव्यस्थल नै दाह संस्कार भवन भएको बताए । उनले वडा कार्यालयबाट भवन र दाह संस्कार व्यवस्थापन तथा संरक्षणमा सहयोग गर्ने प्रतिबद्धता समेत गरे ।

निर्माण समिति अध्यक्ष मनमाया लामाको अध्यक्षतामा भएको कार्यक्रममा समाजसेवी नरबहादुर गुरुङ, विष्णुबहादुर बस्नेत, प्रकाशचन्द्र पागल, अर्जुन मल्ल, टेकनाथ पन्थी, खेमपुन लगायतले दाहसंस्कार भवनको व्यवस्थापन र संरक्षण गर्नुपर्नेमा जोड दिए ।

भवन निर्माण समिति सदस्य खरीका दाहालले स्वागत मन्तव्य राखेको कार्यक्रमको संचालन समिति सचिव पार्वती भण्डारीले गरेकी थिइन्।

कार्यक्रममा भवन निर्माणकर्ता ठेगदार रेशमलाल गौतम सम्मान गरियो।

तपाइको विचार व्यक्त गर्नुहोस्

हाम्रो सुझाव

चिप्लेढुंगा स्थित मानवअधिकार चोक नजिकै बम भेटियो

प्रजातन्त्र सेनानी सुवेदीको नागरिक अभिनन्दन

एनएमबी बैंकको ‘एक घर एक खाता’

प्रमुख समाचार

सुनसरीमा स्वतन्त्रको वीसौं शाखा, अध्यक्षमा कार्की