जैन स्थानक भवनमा चतुर्मास समापन

आदर्श समाज सम्वाददाता
मंसिर १०, २०७५
manabmilan_Fotor

पोखरा, ९ मंसिर।जैनस्थानक भवन पोखरा-७ एयरपोर्टमा श्रावणशुक्ल पूणिर्माका दिनदेखि सुरु भएको चर्तुमास समापन भएको छ ।

नेपाल केशरी डा मणिभन्द्र मुनिजी महाराजको सानिध्यतामा भएको कार्यक्रममा चतुर्मास अवसरमा दैनिक गरिएको प्रवचनसमेत समापन गरिएको छ।

कार्यक्रमका प्रमुख अतिथि गण्डकी प्रदेश प्रमुख बाबुराम कुँवरले सन्तहरुका महान् वाणिले धार्मिक आस्था राख्ने व्यक्तिलाई थोरै भए पनि ज्ञान मिलेको धारणा राख्दै यस्तो अवसर मिल्नु हाम्रो अहोभाग्य भएको कुरा व्यक्त गरे।

ब्राह्मण समाज नेपालका संस्थापक अध्यक्ष नारायणप्रसाद अधिकारीले सन्त साधुको उद्गमस्थल तीर्थस्थल भएको भन्दै हामी पोखरेलीले चार महिनासम्म दिव्यवाणि सुन्ने अवसर मिलेकोमा खुसी व्यक्त गरे।

वरिष्ठ अधिवक्ता तिलक पराजुलीले हाम्रो समाजमा भएका विकृतिलाई दिव्यवाणीमार्फत् केही भए पनि सुधार भएको धारणा व्यक्त गर्दै व्यक्ति स्वयम आफैमा सुधार हुन जरुरी रहेको बताए।

दैनिक रूपमा प्रवचन श्रवण गर्ने सरोजनारायण बरालले बिहान एक घण्टाको समयमा भएको वाणिले दिनभरिलाई आनन्दित तुल्याएको भन्दै चार महिनाको अवधिमा धेरै ज्ञान हासिल गर्ने अवसर मिलेको बताए।

मानव मिलन संस्था पोखराका अध्यक्ष रमेशराज सुवेदीले स्वागत मन्तव्य व्यक्त गरेको कार्यक्रमको सञ्चालन चतुर्मास व्यवस्थापन समिति महासचिव सावित्री शर्माले गरेकी थिइन्।

Related News

सम्बन्धित समाचार

  • पशु प्रजनन् तालिम

    आदर्श समाज सम्वाददाता असार १६, २०७९
    पोखरा । नेपाल पशु स्वास्थ्य सेवा प्राविधिक संघ (नेल्टा) ले स्वरोजगारका लागि युवालाई पशु प्रजनन् तथा कृत्रिम गर्भाधान तालिम दिएको…
  • मगर सांस्कृतिक संघमा सरिता

    आदर्श समाज सम्वाददाता असार १६, २०७९
    पोखरा । नेपाल मगर सांस्कृतिक संघ, कास्कीको तेस्रो जिल्ला अधिवेशनबाट अध्यक्षमा सरिता सारू मगर पुनःनिर्वाचित भएकी छन् । अधिवेशनबाट उपाध्यक्षमा…
  • पोखरामा विद्यालयस्तरीय नृत्य प्रतियोगिता

    आदर्श समाज सम्वाददाता असार १६, २०७९
    पोखरा । पोखरा महानगरपालिका शिक्षा महाशाखाद्वारा आयोजित विद्यालयस्तरीय एकल नृत्य प्रतियोगिताको दोस्रो चरण जनप्रिय माविमा सम्पन्न भएको छ । प्रतियोगितामा…
  • हेमजामा असारे रोपाइँ महोत्सव

    आदर्श समाज सम्वाददाता असार १६, २०७९
    हेमजा । मानो खाएर मुरी उब्जाउने महिना हो, असार । त्यसैले अचेल कृषक धानखेती लगाउन बिहानदेखि बेलुकासम्म खेतमै व्यस्त हुने…
  • सिर्जनामा विविध क्रियाकलाप

    आदर्श समाज सम्वाददाता असार १५, २०७९
    पोखरा । सिर्जना आवासीय माविमा अतिरिक्त क्रियाकलापअन्तर्गत शुक्रबार युवा रेडक्रस सर्कल सिर्जना आवासीय माविको व्यवस्थापनमा पूर्व प्रावि तहदेखि कक्षा १०…

hero news full width