शुभप्रभात काव्यमाला सम्पन्न

Avatar आदर्श समाज सम्वाददाता
मंसिर १०, २०७५

हेमजा, ९ मङ्सिर।हेमजा साहित्य प्रतिष्ठानद्वारा मासिक रूपमा हुँदै आएको शुभप्रभात काव्यमालाको एक सय ८७ औं श्रृङखला शनिवार सम्पन्न भयो।

सो अवसरमा साहित्यकार मदन भण्डारी, नरेन्द्र रानाभाट, ढुन्डीराज ज्ञवाली, सृजन ज्ञवाली, शिव त्रिपाठी, विष्णु पराजुली, गोविन्दप्रसाद पराजुली, कोविदशरण उपाध्याय, छन्दिका त्रिपाठी, वसन्त विनोद, सीता लामिछाने, मीना दाहाल, भगवती पौडेल लगायत स्थानीय ज्ञानसरोवर एकेडेमी तथा हेमजा बोडिङ स्कुलका विद्यार्थी गरी कूल ३८ जनाले रचना वाचन गरेका थिए।

‘भाषा साहित्य कला र संस्कृतिको संरक्षण हेमजा साहित्य प्रतिष्ठानको अभियान’ भन्ने नाराका साथ कार्यक्रम गरीएको र यसपटकको कार्यक्रम सङख्यात्मक र गुणत्मक दुबै दृष्टिले सफल भएको प्रतिष्ठानका अध्यक्ष कृष्णप्रसाद पौडेलले बताए।

साहित्यकार मदन भण्डारीले कार्यक्रमको समीक्षा गर्दै काव्यमाला साहित्यका विद्यार्थीका लागि पाठशाला बनेको दावी गर्दै नवप्रतिभालाई स्थान दिदैं जानुपर्ने औँल्याए।

प्रतिष्ठानका अध्यक्ष कृष्णप्रसाद पौडेलको अध्यक्षतामा सम्पन्न उक्त कार्यक्रम सहसचिव वलराम पौडेल तथा सदस्य परशुराम अधिकारीले संयुक्त रूपमा संचालन गरेका थिए।

तपाइको विचार व्यक्त गर्नुहोस्

हाम्रो सुझाव

सेवाग्राहीलाई सजिलो सहायता कक्ष

शिशु निकेतनमा उत्प्रेरणा तालिम

दलित मानसिकता तोड

प्रमुख समाचार

टीभीएस अपाचे पोखरा स्पोर्टस् अवार्ड मनोनयन सार्वजनिक