काँग्रेस कास्की २ का सभापति एकै ठाउँमा

आदर्श समाज सम्वाददाता
मंसिर ७, २०७५
congress vela

पोखरा, ६ मंसिर । नेपाली काँग्रेस कास्की क्षेत्र २ का वडा सभापतिहरुको भेला मट्टखिानमा बसेको छ । सो क्षेत्रका ११ वटाका वडा सभापतिहरु एकै ठाउँमा भेला भएर छलफल गरेका हुन् ।

छलफलमा क्षेत्रीय सभापतिहरु माधवप्रसाद बास्तोला ‘मधु’ र विजयराज आचार्यले गुट र उपगुटको पछि लाग्दा पार्टीको संगठन कमजोर भएको टिप्पणी गरे । उनीहरुले आगामी दिनमा वडासँग समन्वय गर्दै संगठन शुदृढीकरण र विस्तारका कार्यक्रम सञ्चालन गर्ने प्रतिबद्धता जनाए ।

दुर्इ दिनसम्म भएको भेलामा वडा सभापतिहरुले पार्टीलाई गुट उपगुटबाट बाहिर राखेर पार्टीलाई चुस्त दुरुस्त बनाउने र संगठन परिचालनमा जोड दिने निर्णय गरेको छ । यस्तै, पार्टीविधान अनुसार संगठन निर्माण र परिचालन, कमीकमजोरी सुधार गरि जनपक्षीय हिसाबले पार्टीसञ्चालन गर्ने निर्णय पनि भएको छ । प्रतिपक्षी पार्टीले जितेका स्थानीय तह र निर्वाचन क्षेत्रमा अनुगमनको भूमिकामा काम गर्ने र गलत कामको पर्दाफास गर्ने निर्णय पनि क्षेत्रीय भेलामा गरिएको वडा ७ का सभापति नवीन बरालले जानकारी दिए ।

‘केही नेताको पछि लाग्दा पार्टीसंगठन कमजोर भैरहेको छ । भ्रातृ संगठनहरु पनि चुस्त रुपमा काम गर्न सकेका छैनन्,’ उनले भने, ‘आगामी दिनमा पुराना सबै कमजोरी केलाउँदै नयाँ शिराबाट अघि बढ्ने निर्णय भएको छ । यसले पार्टीलाई पुनर्जीवन दिने अपेक्षा गरेका छौं ।’ उनका अनुसार क्षेत्रभित्रका सबै इकाइमा कार्यकर्ता भेला र अनुशिक्षण कार्यक्रम सञ्चालन गर्ने भेलाले निर्णय गरेको छ ।

भेलामा वडा ४ का सभापति गोविन्द पराजुली, ७ का नवीन बराल, ८ का सुवास सिग्देल, ९ का उमा ठकुरी, ११ का मोहन बास्तोला, १७ का देवराज आचार्य, २० का तिलबहादुर गुरुङ, २१ का केवल गिरी र ३३ का दिनेशराज आचार्य सहभागी थिए ।

Related News

सम्बन्धित समाचार

  • पर्वतीय संग्रहालयमा फोटो प्रदर्शन

    आदर्श समाज सम्वाददाता असाेज ११, २०८०
    पोखरा । अन्तर्राष्ट्रिय पर्वतीय संग्रहालयमा अबदेखि फरकफरक भूगोलका एकै प्रकारको हिमाली जनजीवन चिनाउने गरी अस्ट्रियन आमाछोरीले लामो समय लगाएर खिचेको…
  • सरकारको आलोचनामात्र गर्नु गलत : मन्त्री सिंखडा

    आदर्श समाज सम्वाददाता असाेज ११, २०८०
    पोखरा । गण्डकी प्रदेश सामाजिक विकास तथा स्वास्थ्य मन्त्रालयले प्रदेशका स्वास्थ्य क्षेत्रमा क्रियाशील गैरसरकारी संघसंस्थासँग छलफल तथा अन्तरक्रिया गरेको छ…
  • अनुगमनमा ३ पसललाई कारबाही

    आदर्श समाज सम्वाददाता असाेज ११, २०८०
    लमजुङ । जिल्ला सदरमुकाम बेंशीसहरमा मापदण्डविपरीत सञ्चालित ३ पसल कारबाहीमा परेका छन् । जिल्ला अनुगमन समितिले २ किराना र १…
  • भूपू सैनिक सहकारीको सभा

    आदर्श समाज सम्वाददाता असाेज ११, २०८०
    हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।…
  • लेखनाथ कुटानी पिसानी व्यवसायी समितिमा विष्णु

    आदर्श समाज सम्वाददाता असाेज ११, २०८०
    लेखनाथ । लेखनाथ कुटानी पिसानी व्यवसायी समितिको अध्यक्ष विष्णुप्रसाद लमिछाने चयन भएका छन् । संस्थाको बुधबार सम्पन्न १०औं साधारण सभा…

hero news full width