वडा ११ को भवन शिलान्यास

आदर्श समाज सम्वाददाता
मंसिर ६, २०७५
ward 11

पोखरा, ५ मंसिर। पोखरा वडा ११ को भवन शिलान्यास गरिएको छ। महानगरपालिका प्रमुख मानबहादुर जिसीले बुधबार भवन शिलान्यास गरेका हुन्।

साविक काहूँ गाविस र फूलबारीको सीमाना रहेको ठाउँमा भवन निर्माण गर्न लागिएको हो।

प्रमुख अतिथि जिसीले जनताले तिरेको करबाट नै भवन निर्माण गर्न लागिएको बताउँदै भवनको रेखदेख वडाबासी सबैले गर्नुपर्ने बताए।

‘जनतालाई सेवा दिने कार्यालय व्यवस्थित हुनु पर्दछ,’ उनले भने,’ जनताको करबाट भवन बन्ने भएकाले यो जनताकै घर हो, निर्माणदेखि रेखदेखमा जनताले पनि चाँसो दिनुपर्दछ।’

जिसीले भवन निर्माण गर्दा गुणस्तरमा सम्झौता नगर्न र भवन निर्माणमा निगरानी गर्न वडाबासीलाई आग्रह गरे।

वडाध्यक्ष मोहनप्रसाद बास्तोलाले लामो समयदेखि वडा कार्यालय भाडामा सञ्चालन हुँदै आएकाले भवन निर्माण गर्न लागिएको बताए। घर भाडावापत हाल मासिक ३० हजार बुझाउनुपर्ने उनले बताए।

वडाध्यक्ष बास्तोलाले मंसिर २८ देखि पुस ८ गतेसम्म काहूँमा धरहरा महोत्सव हुन लागेकाले त्यहाँसम्म पुग्नका लागि केही ठाउँमा सडक मर्मत गर्नुपर्ने भएकाले महानगरले सहयोग गर्न मेयर जिसीसँग आग्रह गरे।

दुर्इ करोड ४९ लाख ३३ हजारमा बन्ने दुर्इतले भवन आगामी १५ महिनाभित्र सक्ने महानगरका इ धु्रव भट्टराईले जानकारी दिए।

निर्माणको जिम्मा पाएको कम्पनीका अनील खड्काले तोकिएको समयभित्रै भवन निर्माण गर्ने प्रतिबद्धता समेत जनाए।

वडाध्यक्ष मोहनप्रसाद बास्तोलाको अध्यक्षतामा भएको कार्यक्रममा वडासदस्य तीर्था गुरुङ र वडा सचिव शिवहरि शर्माले बोलेका थिए।

यसैबीच, पोखरा १५ को वडा कार्यालय भवन बुधबार उद्घाटन गरिएको छ।

एउटा हल सहित चारकोठे उक्त भवनको मेयर जिसीले उद्घाटन गरेका हुन्। जिसीले संविधानले वडालाई धेरै नै अधिकार दिएकाले वडावासीको प्रशासनीक कार्य सहजताका लागि भवन महत्वपूर्ण हुने बताए।

वडाध्यक्ष प्रकाश पौडेलले जनताको सेवाकै लागि आफू अहोरात्र काम गरिएको बताए। ३८ लाख ५० हजारको लागतमा निर्माणभएको उक्त भवनको तला थप्ने कार्य बाँकी छ । तला थप्न करिव २५ लाख लागत लाग्ने भन्दै महानगरसँग प्रस्ताव पेश गरिएको अध्यक्ष पौडेलले बताए।

उनले वडा १५ भित्र अपराधिक तथा संवेदनशील क्षेत्रमा तत्काल २६ ओटा सिसी टिभी जडान गर्न लागिएको बताए।

जिल्ला समन्वय समिति कास्की सदस्य तथा वडा १५ का वडा सदस्य तोरण बानिँयाले महानगरकै नमुना वडाको रुपमा विकास गर्न सबैको सहयोगको खाँचो औल्याए । कार्यक्रममा काँग्रेस वडा १५ का सभापति टोपबहादुर थापा, जनजागृति आमा समूहका अध्यक्ष विमला गुरुङ, पूर्व वडा अध्यक्ष शिवबहादुर बानियाँ, वडा सदस्य तथा भवन निर्माण समिति संयोजक रुकबहादुर गुरुङ लगायतले बोलेका थिए।

वडाध्यक्ष प्रकाश पौडेलको अध्यक्षतामा सम्पन्न कार्यक्रममा स्वागत वडासदस्य तथा भवन निर्माण समिति संयोजक रुद्र गुरुङ र वडासचिव तेजबहादुर गुरुङले बोलेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width