पोखरा, ४ मङ्सिर । चौध वर्ष मुनिको उमेर समुहमा शीर्ष वरियताका नेपाली खेलाडीहरु महिलातर्फ सलोनी तामाङ र पुरुषतर्फ आरब हाडाले पोखरामा जारी ट्रेर्कर्स इन यु-१४ जुनियर एटिएफ टेनिस च्याम्पियनशिप सर्किट १ मा विजयी शुरुवात गरेका छन् ।

मंगलबार भएको खेलमा सलोनीले पोखराका श्रीया भट्टराईमाथि सजिलो जित निकालिन् । उनले श्रीयालाई ६-१, ६-० को सेटमा पराजित गरिन् । त्यसैगरि, पुरुषतर्फ आरबले पोखराकै सौगात विकलाई ६-१ र ६-२ को सोझो सेटमा पराजित गरे ।

पुरुष एकलतर्फका अन्य खेलहरुमा भारतका आचिन्त्या बर्माले नेपालका पवनकुमार शर्मालाई ६-२, ६-० ले, भारतका रोहण पटेलले नेपालका इसान गुरुङलाई ६-०, ६-१ ले, नेपालका प्रितम परियारले भारतका हरिशरण भाष्करणलाई ६-४, ६-४ ले पराजित गरे ।

त्यसैगरि इभ्याक जोशीले श्रेयाष पौडेललाई ६-१, ६-० ले, प्रणव मानन्धरले आयुष्मान हजुर घलेलाई ६-२, ६-३ ले, सरोज तामाङले सक्षमबिक्रम शाहलाई ६-२, ६-१ ले तथा अकी जुवेन रावतले राजबीर प्रधानलाई ६-०, ६-० ले पराजित गरे ।

महिलातर्फ भएका खेलहरुमा निमिषा ढकालले प्रशंसा मोक्तानलाई ६-१, ६-१ ले, भारतका मिली छुगले नेपालका सृष्टी राईलाई ७-६, ६-४ ले पराजित गरिन् । महिला डबल्र्सतपm इशा श्री शाह र सर्वाङ्गी श्रेष्ठको जोडीले श्रीया भट्टराई र रामिका बुद्धाचार्यको जोडीलाई ६-०, ६-० ले, निमिसा ढकाल र आइसा डोल्कर गुरुङको जोडीले प्रशंसा मोक्तान र सुनिरा थापाको जोडीलाई ६-४, २-६ र सुपरर्टाईमा १०-६ ले पराजित गरे । सुभाङ्गीलक्ष्मी शाह र सलोनी तामाङको जोडीले भारतका मिली छुग र नेपालका अध्या पौडेलको जोडीलाई ६-३ र ६-१ को सेटमा पराजित गरे ।