सुनिलका चित्रसँग ‘सेल्फी’

आदर्श समाज सम्वाददाता
मंसिर ३, २०७५
art sunil

पोखरा, २ मंसिर। एक हुल मानिसहरु कलाकार सुनिल सिग्देलका चित्र अगाडि सेल्फी लिँदै थिए।

त्यही हुलमा नागढुंगाका महेन्द्रराज भण्डारी पनि थिए। त्यसो त राजभण्डारी आफै पोखराका अग्रज कलाकार हुन्। सुनिल उनलाई मनपर्ने कलाकार। त्यसैले प्रदर्शनी छुटाउने कुरै भएन। महेन्द्रपुलस्थित पोखरा आर्ट ग्यालरी शुक्रबारदेखि जारी सुनिलको एकल चित्रकला प्रदर्शनीमा सुनिल फ्यानसँंग ‘सेल्फी’ खिचाउँदैमा व्यस्त देखिएका हुन्। प्रदर्शनी तेश्रो दिन आइपुग्दा अवलोकनकर्ताको भीडभाड पनि बढ्दै गएको छ। ‘प्रदर्शनी अवलोकन गर्न यति धेरै अवलोकनकर्ता आउलान् भनेर आशै गरेको थिइनँ, म नै दंग परेको छु,’ कलाकार सिग्देलले भने।

प्रदर्शनी हेर्न पोखराका मात्रै होइन, बाहिरका कलापारखी पनि आएका छन्। अवलोकन गर्न आउनेहरुले घेरा हालेर एकैपटकमा प्रश्न गर्छन्, कयौंलाई जवाफ पनि दिन भ्याइनँ होला,’ कलाकार सिग्देलले खुसी व्यक्त गरे।

‘उहाँका कलाको बारेमा धेरै नै सुनेको थिएँ, तर आज प्रत्यक्ष अवलोकनपछि हो रहेछ भन्ने लाग्यो,’ नयाँबजारकी प्रतीक्षा मानन्धरले भनिन्।

कला क्षेत्रमा चासो राख्ने मानन्धरले सिग्देलको एउटै चित्रमा आधा घण्टासम्म घोत्लिएको सुनाइन्। ‘अद्भूत छन् यी चित्रहरु,’ उनले भनिन्।

पोखरा-१३, कुँडहरका कलाकार सिग्देलको एकल प्रदर्शनीमा १६ वटा कला राखिएका छन्। यसअघि उनले काठमाडौंमा कला प्रदर्शनी सम्पन्न गरेका थिए। त्यस्तै विभिन्न राष्ट्रहरुमा उनको कला प्रदर्शनी सम्पन्न भइसकेको छ। ‘इको अफ साइलेन्स’ नाउँमा जारी प्रदर्शनी एक सातासम्म चल्नेछ ।

Related News

सम्बन्धित समाचार

  • शिक्षासेवी कोइरालाको नाममा प्रतिष्ठान

    आदर्श समाज सम्वाददाता मंसिर २१, २०७९
    पोखरा । शिक्षासेवी हेरम्बप्रसाद कोइरालाको योगदान चिरस्थायी बनाउन हेरम्बप्रसाद÷पार्वती कोइराला शिक्षा प्रतिष्ठान–२०७९ घोषणा गरिएको छ । कोइराला दम्पतीको चौरासी पूजा…
  • निशुल्क स्वास्थ्य शिविर

    आदर्श समाज सम्वाददाता मंसिर २१, २०७९
    पोखरा । रोट्याक्ट क्लब अफ न्युरोड पोखरा, रोट्याक्ट क्लब अफ मणिपाल मेडिकल साइन्स र रोटरी क्लब अफ न्युरोड पोखराको संयुक्त…
  • महानगरकै नमुना सडक !

    आदर्श समाज सम्वाददाता मंसिर २१, २०७९
    लेखनाथ । पोखरा २६ स्थित प्रगतिटोलको सडक ढलान तथा नाला निर्माण योजनाको सोमबार वडाध्यक्ष नरेन्द्र थापाले शुभारम्भ गरेका छन् ।…
  • अन्तरविद्यालय चित्रकला

    आदर्श समाज सम्वाददाता मंसिर २१, २०७९
    पोखरा । सातौं पर्वतीय महोत्सवअन्तर्गत अन्तर्राष्ट्रिय पर्वतीय संग्रहालयमा अन्तरविद्यालयस्तरीय चित्रकला भएको छ । पर्वतीय महोत्सवको पूर्वसन्ध्यामा नेपाल पर्वतारोहण संघ र…
  • लैंगिक हिंसाविरुद्ध सचेतना र्‍याली

    आदर्श समाज सम्वाददाता मंसिर २१, २०७९
    पोखरा । सामुदायिक वन उपभोक्ता महासंघ नेपालले लैंगिक हिंसा न्यूनीकरणका लागि राष्ट्रव्यापी रुपमा १६ दिने अभियान सञ्चालन गरेको छ ।…

hero news full width