बसन्त रुविनाद्वारा विद्यालयलाई सहयोग

आदर्श समाज सम्वाददाता
मंसिर ३, २०७५
basanta rubina

पोखरा, २ मंसिर। वसन्त रुविना फाउन्डेसनले महेन्द्र आधारभुत विद्यालय, नौडाँडालाई करिब १० हजार रुपैयाँ सहयोग प्रदान गरेको छ।

विद्यालयमा आइतबार आयोजना गरिएको समारोहमा फाउन्डेसनका संरक्षक वसन्त थकाली, अध्यक्ष कृष्ण प्रसाद सुवेदी र कोषाध्यक्ष सुरेन्द्र श्रेष्ठ लगायतले संयुक्त रुपमा फाउण्डेसनको तर्फबाट १० हजार १ सय ५ रुपैयाँ आर्थिक सहयोग प्रदान गरेका हुन्।

साथै फाउन्डेसनका कोषाध्यक्ष श्रेष्ठले व्यक्तिगततर्फबाट २ हजार ४ सय ४ रुपैयाँ प्रदान गरे।

विद्यालय व्यवस्थापन समितिका अध्यक्ष सूर्य परियार र प्रधानाध्यापक ढकराज सुवेदीले सहयोगप्रति आभार व्यक्त गरे।

प्रतिष्ठानका संरक्षक वसन्त थकालीले आफूले क/ख सिकेको विद्यालयमा आएर सहयोग गर्न पाएको भन्दै खुशी व्यक्त गरे। आगामी दिनमा पनि विद्यालयका लागि केही योगदान दिन आफूले चाहेको उनले बताए।

२०१६ सालमा स्थापित उक्त विद्यालयमा स्तरीय पढाइ गर्नकै लागि अक्षयकोष स्थापना गरिएको र प्राप्त रकम त्यसैमा जम्मा गरिने व्यवस्थापन समिति अध्यक्ष परियारले बताए।

प्रअ सुवेदीले अक्षयकोषमा ५० लाख रुपैयाँ पुर्‍याउने र ब्याज मार्फत निजी स्रोतका शिक्षक राखेर विद्यालयको गुणस्तर कायम गर्ने बताए। तीन वर्ष अगाडि विद्यालयमा विद्यार्थी संख्या जम्मा ५ जनामा झरेपछि व्यवस्थापन समितिले घरदैलो नै गरेर विद्यालय जोगाउन अंग्रेजी माध्यमको शिक्षा दिन शुरु गरिएको उनले जानकारी दिए।

विद्यालयमा हाल विद्यार्थीको संख्या ९० पुगेको छ। अक्षयकोषमा ५ लाख रुपैयाँ जम्मा भएको र ३ लाख रुपैयाँ विभिन्न दाताले दिने प्रतिबद्धता जनाएका छन्।

Related News

सम्बन्धित समाचार

  • शिक्षासेवी कोइरालाको नाममा प्रतिष्ठान

    आदर्श समाज सम्वाददाता मंसिर २१, २०७९
    पोखरा । शिक्षासेवी हेरम्बप्रसाद कोइरालाको योगदान चिरस्थायी बनाउन हेरम्बप्रसाद÷पार्वती कोइराला शिक्षा प्रतिष्ठान–२०७९ घोषणा गरिएको छ । कोइराला दम्पतीको चौरासी पूजा…
  • निशुल्क स्वास्थ्य शिविर

    आदर्श समाज सम्वाददाता मंसिर २१, २०७९
    पोखरा । रोट्याक्ट क्लब अफ न्युरोड पोखरा, रोट्याक्ट क्लब अफ मणिपाल मेडिकल साइन्स र रोटरी क्लब अफ न्युरोड पोखराको संयुक्त…
  • महानगरकै नमुना सडक !

    आदर्श समाज सम्वाददाता मंसिर २१, २०७९
    लेखनाथ । पोखरा २६ स्थित प्रगतिटोलको सडक ढलान तथा नाला निर्माण योजनाको सोमबार वडाध्यक्ष नरेन्द्र थापाले शुभारम्भ गरेका छन् ।…
  • अन्तरविद्यालय चित्रकला

    आदर्श समाज सम्वाददाता मंसिर २१, २०७९
    पोखरा । सातौं पर्वतीय महोत्सवअन्तर्गत अन्तर्राष्ट्रिय पर्वतीय संग्रहालयमा अन्तरविद्यालयस्तरीय चित्रकला भएको छ । पर्वतीय महोत्सवको पूर्वसन्ध्यामा नेपाल पर्वतारोहण संघ र…
  • लैंगिक हिंसाविरुद्ध सचेतना र्‍याली

    आदर्श समाज सम्वाददाता मंसिर २१, २०७९
    पोखरा । सामुदायिक वन उपभोक्ता महासंघ नेपालले लैंगिक हिंसा न्यूनीकरणका लागि राष्ट्रव्यापी रुपमा १६ दिने अभियान सञ्चालन गरेको छ ।…

hero news full width