गण्डकीले हाईनानसँग मित लाउने

आदर्श समाज सम्वाददाता
कार्तिक ३०, २०७५

पोखरा, २९ कात्तिक । गण्डकी प्रदेश र चीनको हाईनान प्रान्तबीच मितेरी सम्बन्ध स्थापित हुने भएको छ । शुक्रबार दुर्इ प्रदेशबीच मित लाउने कार्यक्रम छ । विदेशी प्रदेशसँग सम्बन्ध गाँस्ने गण्डकी पहिलो प्रदेश हो ।

हाईनान चीनमा सबैभन्दा तीव्र विकास गर्ने प्रान्त हो । नेपालमा चाहीँ भर्खर संघीय संरचनाको अभ्यास भएको छ । हाईनानसँग धेरै पक्षहरु सिक्न सकिने गण्डकी प्रदेशका मुख्यमन्त्री पृथ्वीसुब्बा गुरुङ बताउँछन् ।

यसकै लागि गुरुङले असोज ९ गते हाईनान प्रान्तको भ्रमण गरेका थिए । सहकार्यको लागि १५ सदस्यीय चिनियाँ टोली पोखरा आउने छ ।

मितेरी साईनोसँगै हाईनानले गण्डकीको प्राविधिक शिक्षा, ऊर्जा, पर्यटन, व्यापार र वाणिज्य तथा सांस्कृतिक क्षेत्रमा सहयोग गर्नेछ । दुर्इ देशबीच हुने समझदारी पत्र नेपाली, अंग्रेजी र चाइनीज भाषामा तयार पारिएको छ । हाईनान टोलीसँग गण्डकी प्रदेशका सामाजिक विकास मन्त्री नरदेवी पुनमगरले सम्झौतापत्र (एमओयु) मा हस्ताक्षर गर्नेछिन् । विहीवार बसेको मन्त्रिपरिषद बैठकले पुनलाई सरकारको तर्फबाट प्रतिनिधि तोकेको हो ।

यसबाहेक टेक्निकल इन्स्टिच्युट स्थापना र नेपाली विद्यार्थीहरुलाई छात्रवृत्तिमा त्यहाँका कलेज तथा विश्वाविद्यालयमा पढाउने सहमति पनि हुने सरकारका प्रवक्ता रामशरण बस्नेतले बताए । यो सम्झौतापछि हाईनानले गण्डकी प्रदेशबाट वाषिर्क ४ जनाको दरले आगामी ५ वर्षसम्म २० जना विद्यार्थीलाई पूर्ण छात्रवृत्तिमा अध्यापन गराउनेछ । प्रदेशसँगै पोखरा महानगर र हाईकाओ शहरबीच पनि भगिनी सम्बन्ध गाँसिनेछ । यसपछि सौर्य ऊर्जा अवलोकनको लागि चिनियाँ टोली मुस्ताङ जानेछ । उनीहरुले त्यहाँ उर्जाको विषयमा प्रारम्भीक अध्ययन गर्नेछन् ।

विहीवार मन्त्रिपरिषद् बैठकले नोभेम्बर २० देखि २९ गतेसम्म भारतको नयाँ दिल्लीमा मुख्य न्यायाधीवक्ताहरुको भ्रमणका लागि महान्यायाधीवक्ताको कार्यालयले गण्डकी प्रदेशको मुख्य न्यायाधिवक्ता छनोट गरेकोले भ्रमण स्वीकृत गरेको छ ।

त्यस्तै नोभेम्बर २१ देखि २३ सम्म श्रृंलकाको कोलम्बोमा हुने दक्षिण एशियाको जलवायु परिवर्तनसम्बन्धी एकीकृत कानूनको विकास कार्यशाला गोष्ठीमा भाग लिन भूमि व्यवस्था कृषि तथा सहकारी मन्त्रालयका सचिव शरदचन्द्र श्रेष्ठलाई पठाउने निर्णय गरेको छ ।

Related News

सम्बन्धित समाचार

  • राष्ट्रपतिलाई प्रजातान्त्रिक विकास समाजले दियो बधाई

    आदर्श समाज सम्वाददाता चैत्र ६, २०७९
    पोखरा । सम्माननीय राष्ट्रपति रामचन्द्र पौडेललाई प्रजातान्त्रिक विचार समाजले आज राष्ट्रपति पदमा निर्वाचित हुनुभएको बधाई तथा सफल कार्यकालको शुभकामना दिएको छ…
  • रासायनिक मलमा दिँदै आएको अनुदान यथावत राख्ने सरकारको निर्णय

    आदर्श समाज सम्वाददाता चैत्र ६, २०७९
    पोखरा ।  कृषि तथा पशुपन्छी विकास मन्त्रालयको विषयगत समितिले गरेको निर्णय रोक्दै सरकारले रासायनिक मलमा दिँदै आएको अनुदान यथावत राख्ने…
  • न्यायिक समितिबीच अनुभव साटासाट

    आदर्श समाज सम्वाददाता चैत्र ६, २०७९
    पोखरा । पोखरा महानगरपालिका र घोराही उपमहानगरपालिकाको न्यायिक समितिबीच अनुभव आदानप्रदान गरिएको छ । घोराहीका उपप्रमुख हुमकुमारी डिसीको नेतृत्वमा आएको…
  • ‘गल्याङ नगरपालिका कृषिमा आत्मनिर्भर’

    आदर्श समाज सम्वाददाता चैत्र ६, २०७९
    पोखरा । स्याङ्जाको गल्याङ नगरपालिका आलु र सुन्तला र दूधजन्य वस्तुमा आत्मनिर्भर भएको र गल्याङ नगरपालिकाभित्र उत्पादित वस्तुको बजारीकरणमा कुनै…
  • जिसस महासंघ गण्डकीको सपथ

    आदर्श समाज सम्वाददाता चैत्र ५, २०७९
    पोखरा । जिल्ला समन्वय समिति महासंघको चौथो राष्ट्रिय परिषद बैठकबाट निर्वाचित गण्डकीका पदाधिकारी तथा सदस्यको सपथ ग्रहण आइतबार भएको छ…

hero news full width