राइनो गोल्डकपको उपाधि च्यासललाई

आदर्श समाज सम्वाददाता
कार्तिक ३०, २०७५
rhino

नवलपरासी, २९ कात्तिक। नवलपरासीको मध्यविन्दु २, कोल्हुवामा सञ्चालन भएको राईनो संरक्षण गोल्ड कपको उपाधि विमल र्घर्तीमगरको च्यासल युथ क्लबले जितेको छ।

नेपाल पुलिस र च्यासल युथ क्बलबीच विहीवार भएको फाइनलमा च्यासलले ट्राबेकरमा ५-३ गोलअन्तरमा पुलिसलाई हराउँदै उपाधि जितेको हो ।

उपाधि विजेता च्यासलले ४ लाख ९९ हजार ५ सय ५५ रुपैयाँ र उपविजेता पुलिसले २ लाख ५५ हजार ५ सय ५५ रुपैयाँ नगद पुरस्कार पाए।

अत्यन्तै प्रतिष्पर्धात्मक खेलमा पुलिसका अभिषेक रिजालले पहिलो हाफको १० औं मिनेटमा गोल गर्दै टिमलाई अग्रता दिलाएको भए पनि च्यासलका विक्रम लिम्बुले त्यसको ३ मिनेटमै गोल फर्काएर खेललाई बराबरीमा लगेका थिए ।

२१ औं मिनेटमा च्यासल युथ क्लब र दोस्रो हाफको २३ औं मिनेटमा नेपाल पुलिस क्लबले आत्मघाती गोल गरेका थिए ।

निर्धारित समयसम्म खेल बराबरीमा सकिएपछि अतिरिक्त समयमा दुवै टिमबाट गोल नकिस्केपछि खेल निर्णयार्थ ट्राइबेकरमा धकेलिएको थियो ।

फाइनल पुगेका टिमलाई म्याच मनि प्रतिखेलाडी १ लाखका दरले वितरण गरिएको खेल आयोजक संस्था नन्दभाउजु उपभोक्ता समितिका अध्यक्ष दोमनबहादुर भण्डारीले जानकारी दिए ।

एकसिंगे गैडा संरक्षणका लागि गरिएको प्रतियोगिताको विजेता तथा उपविजेतालाई गण्डकी प्रदेशसभाका प्रमुख प्रतिपक्षी दलका नेता सांसद कृष्णचन्द्र नेपालीले पुरस्कार वितरण गरेका थिए ।

प्रतियोगितामा ए डिभिजनका र विभागीय टिम गरी १२ टिमको सहभागिता थियो ।

Related News

सम्बन्धित समाचार

  • पोखराका सुजनले जिते स्वर्ण

    आदर्श समाज सम्वाददाता असार २३, २०७९
    पोखरा । पोखराका सुजन सिल्पकारले विश्व फिटनेस महासंघ (डब्लुएफएफ) को उपाधि जितेका छन् । उनले अस्ट्रेलियाको मेलवर्नमा सम्पन्न च्याम्पियनसिपमा अस्ट्रेलिया…
  • माछापुच्छ्रे रनिङ सिल्ड च्याम्पियन

    आदर्श समाज सम्वाददाता असार २२, २०७९
    पोखरा । कास्कीको माछापुच्छ्रे गाउँपालिकाले जिल्लास्तरीय रनिङ सिल्ड उपाधि जितेको छ । पोखरा रंगशालामा भएको प्रतियोगितामा समग्रमा १५ स्वर्ण, १४…
  • कास्की र लमजुङ फाइनलमा

    आदर्श समाज सम्वाददाता असार २१, २०७९
    वेसीशहर । ‘हाम्रो एक गोल, महिला हिंसाविरुद्धको बोल’ नाराका साथ बेंसीसहरमा प्रथम खुला महिला फुटसल प्रतियोगिता–२०७९ सुरु भएको छ ।…
  • अरुणा र प्रदीप वर्ष खेलाडी

    आदर्श समाज सम्वाददाता असार १८, २०७९
    पोखरा, १८ असार । भलिबल खेलाडी अरुणा शाही र टेनिसका प्रदीप खड्का वर्ष उत्कृष्ट खेलाडी घोषित भएका छन् । नेपाल खेलकुद…
  • पोखरा स्पोर्टस् अवार्ड आज

    आदर्श समाज सम्वाददाता असार १८, २०७९
    पोखरा । नेपाल खेलकुद पत्रकार मञ्च गण्डकीको आयोजनामा शनिबार छैटौं पोखरा स्पोर्टस् अवार्ड–२०७८ हुँदैछ । समारोहमा मञ्चले विभिन्न ७ विधामा…

hero news full width