खेलकुदमा सुधार ल्याउनेछु : गुरुङ

आदर्श समाज सम्वाददाता
कार्तिक ३०, २०७५
rajesh_Fotor

पोखरा, २९ कात्तिक। राष्ट्रिय खेलकुद परिषद्को बोर्ड सदस्यमा हालै नियुक्त राजेश गुरुङलाई विहीवार भब्य स्वागत गरिएको छ। संघीय मन्त्रिपरिषदको कात्तिक २५ को बैठकले राखेपको ४ वर्षी कार्यकालका लागि गुरुङसहित पूर्व उपाध्यक्ष पिताम्बर तिमिल्सिना र नेपाल भलिबल संघका केन्द्रीय सदस्य एवं पूर्व राष्ट्रिय महिला भलिबल खेलाडी इन्दिरा निरौलालाई नियुक्त गर्ने निर्णय गरेको थियो ।

गुरुङको स्वागत तथा सम्मानमा पश्चिमाञ्चल क्षेत्रिय खेलकुद विकास समिति र जिल्ला खेलकुद विकास समितिले पोखरामा सो कार्यक्रम गरेको हो ।

कार्यक्रममा गुरुङले चौर्तफी रुपमा लथालिङ्ग भएको खेलकुदलाई सबैको सहकार्यमा माथि उठाउनु पर्ने बताए । ‘ममा खेलकुदको स्पिरिट छ, खेलकुद विकासका लागि जस्तो सुकै काम गर्न पनि पछि हट्नै छैन,’ उनले प्रतिबद्धता गरे । उनले पोखरा रंगशालाको पूर्वाधार विकासका काठमाडौंमा धेरै जानकारी गराउँदै आफ्नो कार्यकालमा रंगशालाको मुहार फेर्न आफ्नो भूमिका रहने बताए।

गुरुङले अहिले पनि खेलाडीको अवस्था निकै नै नाजुक रहेको भन्दै खेलाडीलाई राज्यले दिनेभन्दा पनि लुट्ने काम मात्रै भएको भन्दै आक्रोश पोखे। खेलकुद संघहरुमा नेतृत्वका लागि मात्रै हानथाप भएको र खेल विकासका लागि बैचारिक नेतृत्व नहुँदा समस्या आएको बताउँदै उनले भने, ‘खेल र खेलाडीको अवस्था सुधार्न के गर्ने भन्नेबारे सुझाव संकलन गर्नेछु।’ उनले आफू खेल क्षेत्रबाट आएको हुनाले जहिले पनि खेलाडीको पक्षमा बोल्ने बताए।

१३ औं सागमा पोखरामा पहिले भनेजस्तै गरी ७ वटा प्रतियोगिता आयोजना गराएरै छाड्ने प्रतिबद्धता उनको छ ।

पश्चिमाञ्चल क्षेत्रीय खेलकुद विकास समितिका कावा अध्यक्ष सम्पन्न श्रेष्ठले अन्य प्रदेश र क्षेत्रको तुलनामा गण्डकी प्रदेशमा खेलकुदको पूर्वाधार विकास भइरहेको बताए।

कास्की जिल्ला खेलकुद विकास समिति अध्यक्ष याम गुरुङले फुटबल प्यारापिट भत्काएर परिषदले निर्माण शुरु नगरेकोमा चिन्ता व्यक्त गर्दै भने, ‘अहिले केन्द्रले बजेट केन्द्रमा थन्काएर बन्दै गरेका पूर्वाधार समेत अपूर्ण छन्। पोखरामा खेलकुदको अवस्थालाई सुधान खेलकुद संघ र प्रशिक्षकहरुको ठूलो जिम्मेवारी छ । ।

गुरुङ दोश्रो पटक बोर्ड सदस्यमा नियुक्त भएका हुन्। परिषदमा यसअघि चार वर्षको सफल कार्यकाल पूरा गरेका गुरुङ बक्सिङ खेलबाट आफूलाई खेलकुदमा स्थापित गराएका थिए। उनी मदन भण्डारी स्पोर्र्टस एकेडेमी गण्डकी प्रदेशका इन्चार्ज तथा पोखरा मनकामना दर्शन प्रालिका संचालक हुन् ।

Related News

सम्बन्धित समाचार

  • ज्येष्ठ नागरिकका समस्याबारे चर्चा

    आदर्श समाज सम्वाददाता असाेज ८, २०७९
    पोखरा । पोखरा–९, शान्तिवनमा केन्द्रीय कार्यालय रहेको ज्येष्ठ नागरिक सरोकार समाज नेपालले आफ्नो १० औं स्थापना दिवस अवसरमा शुक्रबार १०२…
  • छन्त्याल युवा संघ कास्कीमा मोहन

    आदर्श समाज सम्वाददाता असाेज ८, २०७९
    पोखरा । नेपाल छन्त्याल युवा संघ कास्की अध्यक्षमा मोहन छन्त्याल सर्वसम्मत निर्वाचित भएका छन् । संस्थाको १२ औं साधारणसभा तथा…
  • हाजिरीजवाफमा बालमन्दिर प्रथम

    आदर्श समाज सम्वाददाता असाेज ८, २०७९
    हेमजा । माछापुच्छ्रे माविको स्वर्ण महोत्सव अवसरमा पूर्व विद्यार्थी मञ्चले शुक्रबार गरेकोे विद्यालयस्तरीय हाजिरीजवाफ प्रतियोगितामा ८ विद्यालयलाई पछि पार्दै बालमन्दिर…
  • राधालक्ष्मी पुरस्कार वियोगीलाई

    आदर्श समाज सम्वाददाता असाेज ८, २०७९
    हेमजा । छन्दनायक माधव वियोगीलाई राधालक्ष्मी साहित्य पुरस्कार प्रदान गरिने भएको छ । कवि, शिक्षासेवी तथा चिन्तक हेमजाका लक्ष्मीशरण उपाध्याय…
  • महानगरमा मेरा ५ वर्ष

    शंकर बास्तोला असाेज ८, २०७९
    विल्कुल नयाँ संरचनामा स्थानीय तहको पहिलो निर्वाचन हुँदै थियो । २०५९ पछि रिक्त स्थानीय निकाय सरकारका रुपमा २०७४ मा ब्युँतियो…

hero news full width