पोखरा, २९ कात्तिक। माछापुच्छ्रे बैंक लिमिटेड गण्डकी प्रदेशले बिहीबार कास्की कारागारलाई सहयोग गरेको छ।

बैंकले सामाजिक उत्तरदायित्वअन्तर्गत एक थान यूरोगार्ड र एक हजार लिटर क्षमताको दुर्इ वटा पानी ट्यांकी सहयोग गरेको हो। कारागारमा आवश्यकता अनुसार सहयोग गरिएको बताइएको छ।

बैंकका गण्डकी प्रदेशका प्रमुख जय सापकोटाले यूरोगार्ड र पानी ट्यांकी हस्तान्तरण गरेका थिए।

उनलेे सबै संघसंस्थाले सामाजिक उत्तरदायित्व बहनमा ध्यान दिनुपर्नेमा जोड दिए। कार्यक्रममा कारागारका चौकीदार लक्षुकुमार गुरुङले बोलेका थिए।

कास्की कारागारका प्रमुख गणेश गौतमको अध्यक्षतामा भएको कार्यक्रम माछापुच्छ्रे बैंक लिमिटेड पोखरा शाखाका प्रमुख नारायण केसीले संचालन गरेका थिए।