कर्णेल जेपीक्रस बास्केटबल मंसिर १३ देखि

Avatar आदर्श समाज सम्वाददाता
कार्तिक ३०, २०७५

पोखरा, २९ कात्तिक। १६ औं कर्णेल जेपीक्रस विद्यालयस्तरीय बास्केटबल प्रतियोगिता मंसिर १३ देखि १७ सम्म पोखरा रंगशालाको बास्केटबल कोर्टमा हुने भएको छ।

कास्की जिल्ला बास्केटबल संघको आयोजनामा हुने उक्त प्रतियोगितामा समाजसेवी तथा पूर्व ब्रिटिश सेनाका कर्णेल जेपीक्रसको मुख्य प्रायोजनमा आयोजना हुँदै आएको छ।

प्रतियोगिताको लागि कास्की जिल्ला बास्केटबल संघका अध्यक्ष ध्वजकुमार गुरुङको संयोजकत्वमा १३ सदस्यीय आयोजक उपसमिति गठन गरिएको संघले जनाएको छ।

आर्थिक समितिमा जमानसिं दुरा, विद्यालय समन्वयमा कृष्ण गुरुङ, शान्ति शुरक्षामा सुरेश गुरुङ छन्।

पुरस्कार तथा प्रमाणपत्र व्यवस्थापनमा प्रदीप रसाइली, सचिवालयमा शिव पुन, प्रचारप्रसारमा अर्जुन परियार, निर्णायक तथा प्राविधिकमा अमर पुन, मञ्च व्यवस्थापनमा भरत बानियाँ, ब्यानर व्यबस्थापनमा विशाल गुरुङ, प्राथमिक उपचारमा रोजी गुरुङ, स्वयंसेवकमा विशन राना र मैदान ब्यवस्थापनमा विष्णु गुरुङ छन्।

लिग कम नक आउटका आधारमा संचालन हुने प्रतियोगितामा छात्रतर्फ २० र छात्रा तर्फ १५ टिमको सहभागिता रहने आयोजकले जनाएको छ।

प्रतियोगितामा छात्र र छात्रा तर्फ प्रथम, द्वितीय र तृतीय हुने टिमले क्रमशः १०, ६ र ४ हजारका साथमा ट्रफी, कप, मेडल र प्रमाणपत्र प्राप्त गर्नेछन्। गत वर्ष छात्र-छात्र दुबैतर्फ टप्स माविले उपाधि जितेको थियो ।

तपाइको विचार व्यक्त गर्नुहोस्

हाम्रो सुझाव

टिभिएस अपाचे चौथो पोखरा स्पोर्टस् अवार्ड

खेलकूद सामाग्री हस्तान्तरण

भलिवलमा भकुण्डे युथ क्लब प्रथम

प्रमुख समाचार

अवैध हातहतियार सहित २४२ पक्राउ