फेवाताल संरक्षण एवं व्यवस्थापनका लागि निजी क्षेत्रबाट सहयोग

आदर्श समाज सम्वाददाता
कार्तिक २९, २०७५

पोखरा, २८ कात्तिक। फेवाताल जलाधार क्षेत्रको संरक्षण एवं व्यवस्थापनका लागि निजी क्षेत्रबाट सहयोग  शुरु भएको छ।

त्यसका लागि बुधबार रेवानले ५० हजार आर्थिक सहयोग गरेको छ भने फेवा डुंगा व्यवसायी संघ पोखराले ५० हजार र टानले ३० हजार रुपैयाँ सहयोग गर्ने घोषणा गरेका छन्।

यसअघि हानले एक लाख एक हजार एक सय ११ रुपैयाँ सहयोग गरेको थियो। फेवा वाटरसेक इकोसिष्टम म्यानेजमेन्टको बुधबारको बोर्ड बैठकमा सहयोग र सहयोगको घोषणा गरिएको बोर्डका सचिव दिलबहादुर भट्टराईले जानकारी दिए।

फेवाताल जलाधार क्षेत्रको संरक्षण र व्यवस्थापनका लागि निजी क्षेत्रबाट शुरु गरिएको सहयोगले उत्साह थपेको उनको भनाइ छ। संरक्षण तथा व्यवस्थापनका लागि हरियो वन कार्यक्रमले पनि सहयोग गर्दै आइरहेको छ।

बैठकमा फेवाताल जलाधार क्षेत्रको संरक्षण एवं व्यवस्थापनका लागि तीनवर्षे कार्ययोजना प्रस्तुत गरिएको छ। कार्ययोजनामा बायोइञ्जिनियरिङ, चेकड्याम तथा गल्छी नियन्त्रण, सडक किनारमा बृक्षरोपण, नदी बहाव नियन्त्रण, आयआर्जनका कार्यक्रम, पानीको मूल संरक्षण र ग्रामीण पर्यटन प्रवर्द्वन लगायत छन्। सरोकारवालासँग आवश्यक छलफल गरी कार्ययोजनालाई अन्तिम रुप दिने तयारी छ।

बैठकमा पोखराका महानगरपालिकाका मेयर एवं बोर्डका अध्यक्ष मानबहादुर जिसीले भएका सं्रोत साधन प्रयोग गर्दै फेवाताल जलाधार क्षेत्रको संरक्षण एवं व्यवस्थापनमा जुट्नु पर्ने आवश्यकता औंल्याए।

जलाधार क्षेत्रमा भैरहेका मनोमानी कार्यहरु रोक्नेतर्फ विशेष ध्यान दिनु पर्ने उनको भनाइ छ। तालको क्षेत्रफल घट्न नदिन तथा भूक्षय नियन्त्रणमा उनको जोड थियो। बैठकमा बोर्डका पुण्य पौडेल, सचिव दिलबहादुर भट्टराई, हरियो वन कार्यक्रममा अधिकृत रामजी भण्डारी लगायतले बोलेका थिए।

Related News

सम्बन्धित समाचार

  • काइन्डनेस क्लब मदरल्यान्डको सहयोग

    आदर्श समाज सम्वाददाता असाेज १५, २०७९
    पोखरा । मदरल्याण्ड माविमा स्थापित काइन्डनेस क्लब मदरल्याण्डले बुधबार साथी संसार नेपालका बालबालिकालाई सहयोग गरेको छ । संस्थाका १ सय…
  • जनहित महिला समूहको शुभकामना

    आदर्श समाज सम्वाददाता असाेज १५, २०७९
    पोखरा । पोखरा ४, कालीमाटीचोकस्थित जनहित महिला समूहको आयोजनामा दसैंतिहार अवसरमा शुभकामना आदानप्रदान कार्यक्रम भएको छ । कार्यक्रममा गण्डकी प्रदेशका…
  • उदाहरणीय वडा अभियानमा अध्यक्ष कार्की

    आदर्श समाज सम्वाददाता असाेज १५, २०७९
    पोखरा । आफ्नो वडालाई उदाहरणीय वडारुपमा विकास गर्ने अभियानमा समाहित हुन पोखरा १४ का वडाध्यक्ष बोधबहादुर कार्कीले वडावासीसँग आह्वान गरेका…
  • पत्रकार महासंघ कास्कीमा इ–लाइब्रेरी सुरु

    आदर्श समाज सम्वाददाता असाेज १४, २०७९
    पोखरा, १४ असोज । नेपाल पत्रकार महासंघ कास्कीमा इ–लाइब्रेरी तथा स्रोत केन्द्र सुरु भएको छ । गण्डकी प्रदेश कानुन, सञ्चार तथा…
  • चाडपर्वमा मात्र अनुगमन

    आदर्श समाज सम्वाददाता असाेज १४, २०७९
    पोखरा । दसैंतिहार लगायत ठूला चाडपर्व भित्रिएपछि पोखरा बजारमा अनुगमन तीव्र बन्यो । अरु बेला सुतेर बस्ने अनुगमनकर्ताहरु चाडपर्व भित्रिएपछि…

hero news full width