लमजुङ, २५ कात्तिक। नेपाली कांग्रेस लमजुङका जिल्ला नेता प्रकाशबाबु तिवारीको हृदयघातका कारण निधन भएको छ ।

५४ वषिर्य तिवारीको उपचारका क्रममा जिल्ला अस्पताल बेसीशहरमा निधन भएको हो।

आइतबार बिहान करिब ३ बजेको समयमा घरमा अकस्मात अस्वस्थ भएपछि तिवारीलाई उपचारका लागि जिल्ला अस्पताल पुर्‍याइएको थियो ।

अस्पतालमा विहान साँढे ६ बजे तिवारीको निधन भएको काँग्रेस लमजुङका जिल्ला सचिव हरिप्रसाद बरालले जानकारी दिए । बरालका अनुसार तिवारी मुटुको समस्याका कारण पटक पटक बिरामी थिए  ।

यसअघि पनि तिवारीको २ पटकसम्म हृदयघातको उपचार गरिसकेको परिवारस्रोतले बताएको छ । तिवारीको २०७४ सालको साउनमा मुटुको भल्वसमेत फेरिएको थियो।

बेसीसहर नगरपालिका-११ मा स्थायी बसोबास गर्दै आएका नेता तिवारी नेपाली काँग्रेसको जिल्ला कार्यसमितिका सदस्यसमेत रहेका थिए।

पार्टीको कामका अतिरिक्त तिवारी पछिल्लो वर्ष व्यवसायिक गाइपालनमा जुटेका थिए । उनका एक श्रीमती र दुर्इ छोरा छन् ।

दश वर्षे द्वन्द्वकालीन समयमा समेत पार्टीलार्इ जोगाउन सकृय तिवारीको निधनप्रति नेपाली काँग्रेस लमजुङले गहिरो दुःख ब्यक्त गरेको छ ।

काँग्रेसले सकृय युवा नेता गुमाउनुपर्दा पार्टीलार्इ ठूलो क्षति भएको भन्दै दिवंगत नेताप्रति पार्टीे श्रद्धाञ्जली अर्पण गरेको छ ।

दिवंगत नेता तिवारीको आइतबार मस्र्याङ्दी र दोर्र्दी दोभानको त्रिवेणीधाममा अन्त्येष्टी  गरिएको छ । तिवारीका छोरा विदूर र विवेकले दागबत्ती दिएका थिए ।