फुटबल मैदानलाई जग्गा खोज्न मुख्यमन्त्रीको निर्देशन

आदर्श समाज सम्वाददाता
कार्तिक २५, २०७५
45474916_2097211230362091_5343478270195138560_n

लमजुङ, २४ कात्तिक। गण्डकी प्रदेशका मुख्यमन्त्री पृथ्वीसुब्बा गुरुङले सुन्दरबजार नगरपालिका क्षेत्रमा  फुटबल मैदान बनाउने जग्गा खोज्न नगरपालिकाका मेयरसहित पदाधिकारीलाई निर्देशन दिएका छन्। दीपावली अवसरमा सुन्दरबजार नगरपालिका-७ स्थित खत्रीठाँटीमा जनशक्ति युवा क्लबद्वारा आयोजना गरिएको दोस्रो रनिङ शिल्ड फुटबल प्रतियोगिताको समापनमा बोल्दै उनले सो कुरा बताएका हुन् ।

‘मानव जीवनमा खेलकुदको अधिक महत्व रहेको, खेलकुदले राष्ट्रिय गौरव समेत बढाउने कार्य गर्ने हुँदा प्रत्येक पालिकामा इलाभने ए साइजको फुटबल ग्राउण्ड हुन आवश्यक छ,’ त्यसका लागि आवश्यक जग्गा उपलब्ध भएमा खेलमैदान निर्माणका लागि प्रदेश सरकारले सहयोग समेत गर्नेछ ।’

मुख्यमन्त्री गुरुङले मध्यपहाडी लोकमार्गलाई भाग्यको अवसरको रुपमा लिन स्थानीयवासीलाई आग्रह गरे।

त्यसैगरी, पर्याप्त स्रोतसाधन अभावले सरकारले चाहेजस्तो उपलब्धि हासिल गर्न नसकेको मुख्यमन्त्री गुरुङले गुनासो गरे। उनले स्रोतसाधनकै कमीले गर्दा स्थानीय, प्रदेश र संघीय सरकारबीच समन्वय नहुँदा सरकार अलमलमा परेको उल्लेख गरे।

निवर्तमान सांसद जमिन्द्रमान घलेले युवाहरूलाई राष्ट्रप्रेम, अनुशासन, आपसी भाइचारा र सद्भावको विकास गर्न खेलकुदको विशेष भूमिका हुने बताउँदै विजेतालाई बधाई दिए।

प्रतियोगितामा आयोजकलाई ३-२ गोलअन्तरले हराउँदै कोर्इरालाफाँट युवा क्लब दुराडाँडा, लमजुङले उपाधि जितेको छ ।

विजयी टिमलाई पुरस्कारस्वरुप नगद १ लाख रनिङ शिल्ड, ट्रफी, मेडल र प्रमाणपत्र प्रदान गरिएको आयोजक क्लब अध्यक्ष नवीन श्रेष्ठले बताए। उपविजेतालाई ५० हजार नगद, ट्रफी, मेडल र प्रमाणपत्र  प्रदान गरिएको छ।

सर्वाधिक गोल गर्ने मानेचौका युवा क्लब रुपाकोट तनहूँका सविन विडारी तथा उत्कष्ट खेलाडीमा आयोजक टिमका सन्तोष तामाङ पुरस्कृत भएका छन्। उनीहरूलाई जनही ५/५ हजार नगद, मेडल र प्रमाणपत्र प्रदान गरियो । प्रतियोगितामा २९ टिम सहभागी थिए। गत वर्ष पहिलो रनिङ शिल्डको उपाधि सुन्दरबजार युवा क्बलले जितेको थियो।

Related News

सम्बन्धित समाचार

  • प्रदेश खेलकुद परिषदद्वारा सल्लाहकारलाई मनोनयनपत्र हस्तान्तरण

    आदर्श समाज सम्वाददाता असाेज १५, २०७९
    पोखरा, १५ असोज । प्रदेश खेलकुद परिषद् गण्डकीले नवनियुक्त सल्लाहकारलाई शुक्रबार मनोनयनपत्र हस्तान्तरण गरेको छ । गत भदौ ८ मा परिषद्…
  • वीरेठाँटीमा तेक्वान्दो प्रशिक्षण

    आदर्श समाज सम्वाददाता असाेज ११, २०७९
    हेमजा । अन्नपूर्ण गाउँपालिका ८ स्थित वीरेठाँटी माविमा तेक्वान्दो तालिम सुरु गरिएको छ । विश्व तेक्वान्दो संघको सहयोगमा १ वर्षसम्म…
  • शुक्ललाई गल्फ उपाधि

    आदर्श समाज सम्वाददाता असाेज १०, २०७९
    पोखरा । नवौं राष्ट्रिय खेलकुदमा ४ पुरुष र ३ महिला गल्फर प्रशिक्षणमा व्यस्त रहँदा प्रतिस्पर्धात्मक खेल खेल्दै पाका गल्फरले उनीहरुलाई…
  • तेक्वान्दोको प्रशिक्षण भवन शिलान्यास

    आदर्श समाज सम्वाददाता असाेज ९, २०७९
    पोखरा । कास्की जिल्ला तेक्वान्दो संघले सुविधासम्पन्न प्रशिक्षण भवन निर्माण गर्ने भएको छ । पोखरा रंगशालाभित्र बन्ने भवनको राष्ट्रिय खेलकुद…
  • माउन्ट एभरेष्ट अन्तर्राष्ट्रिय तेक्वान्दो सुरु

    आदर्श समाज सम्वाददाता असाेज ७, २०७९
    पोखरा । पोखरामा बिहीबारदेखि ‘तेस्रो माउन्ट एभरेष्ट अन्तर्राष्ट्रिय खुला तेक्वान्दो च्याम्पियनसिप २०२२’ जि–२ ¥याकिङ तथा ‘प्रथम जिसिएस माउन्ट एभरेष्ट अन्तर्राष्ट्रिय…

hero news full width