पोखरा, २८ असोज। पोखरा-८ स्थित शुभकामना बचत तथा ऋण सहकारी संस्था लिमिटेडको नवौं वाषिर्क साधारण तथा चौथो अधिवेशनले गोकर्णबरुवालको अध्यक्षतामा नयाँ कार्यसमिति चयन गरेको छ ।

समितिको उपाध्यक्षमा प्रेमशंकर बरुवाल, सचिवमा लोकबहादुर भण्डारी, कोषाध्यक्षमा ठाकुरप्रसाद सापकोटा, सह-सचिवमा गोपाल बहादुर घिमिरे र सदस्यमा इन्द्रबहादुर कार्की, बमबहादुर मल्ल, दलबहादुर जिसी, गोपाल श्रेष्ठ, आशा गुरुङ, मिनाकुमारी पुन छन् ।

टेकराज तिमिल्सिनाको संयोजकत्वमा गठित लेखा (सुपरपवेक्षण) समितिको सदस्यमा झलकनाथ शर्मा र चिरञ्जिवीकुमार श्रेष्ठ छन् ।

ऋण उपसमिति संयोजकमा इन्द्रबहादुर कार्की र सदस्यमा हर्कबहादुर भण्डारी, सूर्य पुन छन् भने शिक्षा समिति संयोजकमा चिरन्जिवी पौडेल र सदस्यमा कल्पना सापकोटा छन् ।

रामचन्द्र पौडेल संयोजक तथा क्षेत्रबहादुर खत्री र ठकराज बरुवाल सदस्य रहेको निर्वाचन समितिले सर्वसम्मत रुपमा पदाधिकारी एवं सदस्य चयन गरेको हो । साधारणसभा उद्घाटन गर्दै कास्की बचत तथा ऋण सहकारी संघ लि. का अध्यक्ष सुदीप ढकालले सहकारी आर्थिक सम्वृद्धिको बाटो भएकोले उल्लेख गरे ।

परोपकार बचत तथा ऋण सहकारीका अध्यक्ष विष्णु बरालले सहकारीका लागि बनेको वर्तमान ऐन नियमका कारण सहकारीहरु सञ्चालनमा दुविधा रहेको बताए ।

त्यसअवसरमा ज्येष्ठ शेयर सदस्य कुल बहादुर बरुवाल, उत्कृष्ठ कारोवारी सदस्य मिनाकुमारी पुन, उत्कृष्ठ कर्मचारी अन्जु कार्की (दंगाल) र विद्यार्थी सुप्रिया भण्डारीलाई सम्मान गरिएको थियो ।  कार्यक्रममा संस्थापक अध्यक्ष नर बहादुर कार्की, सल्लाहाकार रमेश पौडेल, शेयर सदस्य दुर्गाबहादुर घिमिरे र हेमकुमारी अधिकारीले बोलेका थिए ।

सहकारीका अध्यक्ष दल बहादुर जि.सीको अध्यक्षतामा भएको कार्यक्रममा शिक्षा समितिका संयोजक डा.जगन्नाथ रेग्मीले स्वागत र सचिव प्रेमशंकर बरुवालले सञ्चालन गरेका थिए ।