Worldlink ads

हेरालो प्रतिष्ठानद्वारा विद्यार्थीलाई छात्रवृत्ति

आदर्श समाज सम्वाददाता
असाेज २८, २०७५
IMG_1582_Fotor

पोखरा, २७ असोज । हेरालो प्रतिष्ठान कास्कीको १७ औं साधारणसभा शनिवार पोखरामा भएको छ । विभिन्न सामाजिक अभियानमा सक्रिय प्रतिष्ठानले विद्यार्थीलाई छात्रवृत्ति वितरण सहित साधारणसभा गरेको हो । साधारणसभालाई सम्बोधन गर्दै स्वतन्त्र पत्रकार संघका केन्द्रिय अध्यक्ष कृष्णप्रसाद बास्तोलाले समाजसेवामा संस्थाको लगाव प्रशसंनीय भएको बताए ।

‘पछिल्लो समय खुलेका सामाजिक संघसंस्थाहरु कामभन्दा बढी प्रचारमा ब्यस्त छन् । फिल्डमा पुगेर आफ्नो लक्ष्य अनुसार काम गर्ने संस्था निकै कम छन्,’ प्रमुख अतिथि बास्तोलाले भने, ‘तर हेरालो फिल्डमै पुग्छ । पीडितहरुलाई सहयोग गर्छ । यो प्रशंसनीय काम हो ।’

साधारणसभा अवसरमा विभिन्न विद्यालयमा अध्ययनरत विपन्न तथा जेहेन्दार विद्यार्थीलाई छात्रवृत्ति वितरण गरिएको छ ।

एल एञ्जल स्कूलका फलबहादुर तामाङ, अमर तामाङ, माछापुच्छ्रे माविका प्रितम घले, विना गुरुङ, कृष्णबहादुर विक, सिर्जना आवासीय स्कूल सराङ्कोटकी प्रिया विक, रोजिना विक र गोगन माविकी चाहाना पुनलाई छात्रवृत्ति दिइएको हो । विना र चाहानालाई जनही आठ हजार र बाँकी विद्यार्थीलाई जनही ५ हजार दरले छात्रवृत्ति प्रदान गरिएको संस्थाले जनाएको छ ।

कार्यक्रममा समाजसेवी तथा तमु धिं युकेका सल्लाहकार डा चन्द्रबहादुर गुरुङ, तमु सांस्कृतिक प्रतिष्ठानका कोषाध्यक्ष भीमकाजी गुरुङ, माउण्ट अभोरा मन्टेसरी संचालक कञ्चन गुरुङ लगायतले बोलेका थिए ।

संस्थाका अध्यक्ष झमबहादुर गुरुङको अध्यक्षतामा भएको कार्यक्रमको सञ्चालन सचिव यामबहादुर रानाभाट र उपाध्यक्ष चित्र गुरुङले स्वागत मन्तव्य व्यक्त गरेका थिए ।

कार्यक्रममा पूर्व अध्यक्ष नीरज थापाले संस्थाको प्रगतिबारे जानकारी गराएका थिए । सोही अवसरमा संस्थाका कोषाध्यक्ष इ. धनराज पुरीलाई उत्कृष्ट सदस्यको रुपमा सम्मान गरिएको थियो ।

Related News

सम्बन्धित समाचार

    • सहारा एकेडेमीको अक्षयकोषमा १५ लाख सहयोग

      आदर्श समाज सम्वाददाता माघ ५, २०७८
      पोखरा । सहारा क्लब पोखराले सञ्चालन गर्दै आएको सहारा एकेडेमीको अक्षयकोषमा रकम संकलन भएको छ । अक्षयकोषका लागि क्लब र ओएभिएस…
    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…

    hero news full width