Worldlink ads

बतास ब्रदर्शका नयाँ शो रुम

आदर्श समाज सम्वाददाता
असाेज २६, २०७५
Batas showorom_Fotor

लेखनाथ, २५ असोज। बतास ब्रदर्श प्रालि, पोखराले एकै दिन लेखनाथसहित गण्डकी-धौलागिरी क्षेत्रमा चार टिभिएस शो रुम शुभारम्भ गरेको छ।  पोखरा २७ तालचोक सहित बन्दीपुर-१ डुम्रे, वेशीशहर-८ र कुश्मा बान्द्रेबिडीमा शो रुम खुलेको हो ।

तालचोक शोरुम उद्घाटन लेखनाथ उद्योग बाणिज्य संघका अध्यक्ष कृष्णहरि भण्डारी, बतास ब्रदर्शका प्रबन्ध निर्देशक शान्तराज बतास र इलाका प्रहरी कार्यालय डाँडाकोनाकका प्रहरी नायव उपरीक्षक विष्णुवरसिंह थापाले संयुक्त रुपमा गरे।

बतास ब्रदर्शका प्रबन्ध निर्देशक शान्तराज बतासले सो क्षेत्रमा टिभिएस ब्राण्ड लोकप्रिय हुने विश्वास व्यक्त गरे। ग्राहकलाई घरनजिकबाटै सेवा दिने उद्देश्यले शोरुम सञ्चालनमा ल्याइएको कम्पनीका चिफ अपरेटिङ अफिसर राजेश रानाभाटले बताए। नेपाल लगायत दक्षिण एशियाली राष्ट्रमा टिभिएस ब्राण्डबाट उत्पादित एन्ट्रोक्क, टिभिएस अपाचे, बेगो, जुपिटर क्लासिक, स्ट्राइकर लगायत मोडल नेपाली ग्राहकका लागि रोजाइमा परेको बताइएको छ।  कम्पनीले गण्डकी-धौलागिरीका गोरखा, बागलुङ, वेनी, दमौली लगायत क्षेत्रमा टिभिएसको यसअघि सवडिलर स्थापना गरिसकेको छ । कम्पनीले दुर्इ दशकदेखि टिभिएस ब्राण्डका मोटरसाइकल तथा स्कुटर बिक्री गर्दैआएको छ ।

Related News

सम्बन्धित समाचार

    hero news full width